Бахшҳо
15 июн 2011 06:19Дидгоҳи хос

Хизмат

Мансабдорон арбоби мардуманд ё мардум арбоби мансабдорон?

«Ман аз ибтидои фаъолиятам амри виҷдонро аз ҳама боло донистаам ва то он даме, ки дар ин вазифа кор мекунам, мекўшам ба боварии Ҳукумат ва Президенти Ҷумҳурии Тоҷикистон сазовор бошам» - гуфтааст Абдуаҷаббор Раҳмонов. Пас аз ин суханҳо, бо таваҷҷўҳ ба инсони босавод будани вазири маориф, як бори дигар бовар ҳосил кардам, ки вазирону мансабдорони ҳукумат худро аз ҳукмату президент қарздор медонанду бас. Албатта таъкиди ин нуктаро зарур мешуморам, ки манзурам фақат шахси як вазир нест ва чун сухани гуфтаи ў сабабе барои навиштани ин сатрҳо ва андеша перомуни ҷойгоҳи вазирону мансабдорон гашт, номашро зикр кардаму бас! Ба ҳар сурат ба назар мерасад, ки вазирону мансабдорон мардумро ба як пули пучак намегиранд. Барои онҳо мардуме вуҷуд надорад, ки наздаш худро масъул бидонанд. Агар ҳукумат мардумӣ бошад ҳамаи ҳукуматдорон худро дар хизмат кардан ба мардум вазифадор медонистанд ва ризояти мардум аз фаъолияташонро маҳаку меъёри боқӣ мондани худ дар курсии мансаб медонистанд.
Боре чанд аз тариқи телевизион дар рў ба рўи раиси ҷумҳур ҳангоми ҳисобот додан ва ё посух гуфтан ба пурсиши  ў дасту по гум кардан, ҳатто ларзидани ангуштону паридани мушакҳои рухсори вазирону мансабдоронро дидаем. Шояд аз як назар ин амри табиист ва онҳо дар назди сарвари давлат эҳсоси масъулият мекунанд. Албатта ба тарзи хоси худашон. Вале ҳеч надидаву нашнидаем, ки дар назди мардум чунин эҳсоси масъулият карда бошанд. Ин ҳам дар ҳолест, ки агар ҳукумат мардумсолор бошад, онҳо хоҷаву арбоби мардум нестанд, балки мардум аст, ки хоҷаву арбоби онҳост.
Эҳсоси масуълият накардан ва посухгў набудан дар назди мардум ҳамеша мансабдоронро аз мардум дур мекунад ва табиист, ки ин воқеият боиси қабули тасмимҳои дур аз воқеият мегардад. Ҳамеша тасмимҳо ва амалӣ шудани онҳост, ки ҷойгоҳи мансабдорону ҳукуматро дар байни мардум муайян мекунад. Яъне, агар он тасмим мардумисту ба мардум писанд ояд,  маҳбубияти мансабдорону ҳукуматро меафзояд ва дар сурати акс боиси афзудани норизоияти мардум мегардад.

Як нуктаи дигар низ ҷои таъкид дорад. Ҳамеша аз берун ҷустани нерўе, ки ба осоиши ҳукумат халал мерасонад, кори хомест. Агар дар дохил такягоҳе надошта бошад ҳеч нерўи беруна наметавонад коре ба сомон расонад.   

Дар воқеъ, мисоли равшану амалии ин дидгоҳ таҷрибаи 30-солаи ҳукумат пас аз пирўзии Инқилоб дар Эрон аст. Сўҳбат сари низом ва шакли идора нест. Манзурам ҷойгоҳи ҳукумат дар миёни мардум ва худро мардумӣ нишон дода тавонистани ҳукуматдорон аст. Шояд чанд дар сад мардум таври мисол ба гаштаву баргашта «мо ходими мардумем» гуфтани Маҳмуди Аҳмадинажод бовар накунанд. Вале метавон бо бовари комил гуфт, ки аксарият ба ходими мардум будани ҳукумат бовар ҳосил кардаанд.

Шояд тарроҳони идеологии ҳукумати мо бар ин боваранд, ки набояд мансабдорон худро ходими мардум, балки махдуми он бидонанд. Албатта ин гуна тарҳ ва сиёсатгузорӣ дар таҷрибаи давлатдории ҷаҳон зиёд буда ва ҳоло ҳам вуҷуд дорад. Вале як нуктаи муҳим он аст, ки онро ба ҳеч ваҷҳ таҷрибаи муваффақ намешавад номид ва гузашта аз он камтарин кумак ба бақои ҳукуматҳо дошта.  

Ба ҳар сурат ин ҳақиқат бе баҳс ба назар мерасад, ки фақат дар ҳолати таъинкунандаи мансабдорон ва омили бақои онҳо дар сари қудрат будани мардум боиси аз мардум худро мадюн шинохтани мансабдорон хоҳад шуд. Вақте интихоботҳо шаффоф бошад, яъне на таъинот, балки интихобот сурат гирад, он ҳангом ҷойгоҳи мардум дар фазои сиёсӣ боло хоҳад рафт. То замоне, ки мансабдорони калидӣ, мисли вазирону ҷонишинҳои онҳо на интихоб, балки таъин мегарданд ва дар ин амр мардум ҳеч нақше надорад, табиист, ки шахси ба мансабрасида худро мадюни таъинкунандааш медонад. Қисса кутоҳ, ин ҳолат ба назари ман як тазодро ба миён оварда. Аз як сў давлатмардони мо иддаои ҳукумати мардумсолор ё демократӣ доранд, аз сўи дигар чун мардум дар сарнавишти мансабдорон нақши калидӣ надоранд,  арзише ба назари мардум қоил нестанду назди ў худро ҷавобгў намедонанд. Ё шумо назари дигар доред?
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)