Аз ҷониби корхонаҳои ресандагии Тоҷикистон давоми 9 моҳи соли равон беш аз 75 ҳазору 11 тонна нахи пахта коркард шудааст.
Аз Вазорати энергетика ва саноат ба Озодагон иттилоъ доданд, ки ин нишондод нисбат ба ҳамин давраи соли гузашта 1689,5 тонна зиёд буда, суръати афзоиш 129%-ро ташкил медиҳад: « Дар ин муддат, истеҳсоли риштаи пахтагин 6384,9 тоннаро дар бар гирифта, дар муқоиса ба ҳамин давраи соли гузашта 1434,1 тонна зиёд мебошад».
Бояд зикр намуд, соли 2011-ум дар Тоҷикистон 103 ҳазору 465 тонна пахта истеҳсол гардида буд, ки ҳамагӣ 2146 тоннаи он дар ҳудуди ҷумҳурӣ коркард шудаасту халос, ки бештар аз ду дарсади ҳаҷми умумии пахтаи истеҳсолшуда мебошад.
Бархе аз коршиносони масоили иқтисодӣ иҷроиши «Барномаи коркарди пурраи нахи пахтаи дар Тоҷикистон истеҳсолшаванда барои давраи то соли 2015»- ро суст арзёбӣ намуда, коркарди пурраи нахи пахтаро дар дохили кишвар баъди соли 2015 зери сувол мебаранд.
Мӯҳр