500 сомонии коргари кироя ва 200 сомонии музди миёна дар Тоҷикистон

Агентии омори назди президенти Тоҷикистон мегӯяд, даромади пулии сокинони кишвар тайи моҳҳои январ-сентябри соли равон ҳудуди  14 миллиарду 455,2 миллион сомониро ташкил дод.

Тавре ба Озодагон аз  агентии мазкур хабар доданд, ин рақам дар қиёс  ба ҳамин давраи як соли қабл 24,5 фоиз зиёд мебошад. Ин дар ҳолест, ки хароҷоти пулӣ ва амонатҳои аҳолӣ аз ҳаҷми даромад бештар шуда, 16 миллиарду 154,2 миллион сомониро ташкил додааст.

Ба иттилои Агентии омор, қариб чоряки хароҷоти аҳолӣ ба пардохтҳои ҳатмӣ равона мешавад. Саҳми пардохтҳои ҳатмӣ ва ҳаққи узвияти ихтиёрӣ, мутаносибан 27,1 фоизро ташкил медиҳад: «Музди меҳнати ҳармоҳаи миёнаи номиналии кормандони кирояи кишвар 598, 45 сомонӣ арзёбӣ мегардад, ки дар муқоиса бо соли гузашта 16,5 фоиз бештар мебошад»

Маврид ба ёдоварист, маоши миёнаи ҳадди аққал дар ҷумҳурӣ дар моҳи сентябр ҳамагӣ 200 сомониро ташкил дод.
Мӯҳр