Беҳтарин ҳомии ҳуқуқи инсони Тоҷикистон дар соли 2012 эълом шуд

Ин ҷоизаи Дафтари ҳуқуқи инсон дар Душанбе соли 2009 таъсис ёфта, ҳамасола дар рӯзи даҳуми декабр (рӯзи ҷаҳонии ҳуқуқи инсон) ба фаъолони ҳуқуқи башар тақдим мешавад.

Ҷоизаи мазкур ба Сергей Романов дар ҳоле дода шуд, ки худи ӯ дар пойтахти Полша- шаҳри Варшава қарор дорад. Тавре ба расонаҳо аз дафтари душанбегии ҳуқуқи инсон иттилоъ доданд, дар соли равон Сергей Романов дар чандин парвандаи марбут ба шиканҷа иштирок ва барои дифои нафарони таҳти ҳимояташ талоши зиёд ба харҷ додааст.

Маврид ба ёдоварист, Романов дар моҳи сентябри соли равон дар ҳамоиши Варшава оид ба ҳуқуқи инсон дар Тоҷикистон сухан карда, иброз дошт, ки дар маҳбасҳои Тоҷикистон шиканҷа ба таври густурда истифода мешавад. Ба гуфти ӯ, дар зиндонҳои кишвар барои бозпурсии гумонбарон ва маҳбусин аз дастгоҳҳои барқие чун "Роғун"-у "Сангтӯда" ҳам истифода мекунанд.

Дар қатори Сергей Романов, ҳамчунин Рамзия Мирзобекова, хабарнигори нашрияи "Азия-Плюс" ва созмони ҳуқуқшиносони ҷавон "Ампаро" низ бо ҷоизаи вижа аз сӯи созмони дифоъ аз ҳуқуқи инсон сарфароз гардиданд.

Мӯҳр