Эмомалӣ Раҳмон, президенти Тоҷикистон ба Пак Кын Хе, президенти тозаинтихоби Корея барқияи табрикотӣ ирсол намуд.
Тавре аз Хадамоти матуботии сарвари давлат хабар доданд, дар барқия гуфта мешавад, хонуми Олиҷоҳ, дар иртибот ба пирӯзиатон дар интихоботи президентии Корея сарфарозам ба Шумо табрикоти самимона ва таманниёти неки худро бифиристам.
Дар ин барқияи табрикотӣ гуфта шудааст, ҷониби Тоҷикистон ба пешбурди маҷмӯи муносибатҳои дӯстӣ ва ҳамкориҳои судманд бо Ҷумҳурии Корея аҳамияти хоса медиҳад ва боиси қаноатмандист, ки имрӯз миёни кишварҳои мо дар арсаҳои мухталифи мавриди таваҷҷӯҳи тарафайн робитаҳои гуногунҷанбаи созанда ба роҳ монда шудаанд, ки мо ба густариши минбаъдаи онҳо бовар дорем: «Бо изҳори омодагии хеш ҷиҳати саъйю талошҳои муштарак дар ин самт ба Шумо сиҳатии комилу пирӯзиҳои навин ва ба мардуми дӯсти Корея хушбахтиву шукуфоии рӯзафзун таманно дорам», омадааст дар баёния.
Мӯҳр