Ҳайкали Исмоили Сомонӣ аз Хуҷанд кӯчонида мешавад.
Ин муҷассамаи шоҳ дар дар рӯйи аспаш, ки бо баландии 12 метр дар пойтахти вилояти Суғд то ин замон қомат афрохта буд, акнун барчида ва дар ноҳияи Б. Ғафуров насб мегардад. Тавре аз идораи сохтмони асосии Хуҷанд ба хабаргузории «Озодагон» иттилоъ доданд барчидани муҷассамаи Исмоили Сомонӣ аз маҳаллаи 20- уми Хуҷанд ба ин сабаб будааст , ки ин муҷассама дар гардиш ва ё чорроҳаи ин мавзеъ ҷойгир шудааст ва дар шароити васеъкунии роҳи мошингарди атроф садд эҷод мекунад.
Аммо муҷассамаи Исмоили Сомонӣ ва аспаш дар ҳоле аз маҳаллаи 20 -уми шаҳр барчида ва берун аз ҳудуди Хуҷанд насб карда мешавад, ки чанд рӯз қабл дар таърихи 30-юми май бузургтарин муҷассамаи доҳии комунистони ҷаҳон В.И. Ленин аз маркази шаҳри Хуҷанд барканда ва дар кунҷи дигари Хуҷанд насб карда шуд. Тибқи маълумотҳо акнун макони асосии Ленинро дар Хуҷанд муҷассамаи ҷадиди шоҳ Исмоили Сомонӣ хоҳад, гирифт, ки ин макон ба хиёбони Исмоили Сомонӣ табдил хоҳад шуд.
Шаҳрдории Хуҷанд ва масъулони идораи сохтмонӣ мавҷудияти ду Сомонӣ дар як маҳаллаи Хуҷандро хуб напиндошта, ба ин хотир муҷассамаи Исмоили Сомонӣ, ки то ин замон савори аспаш намудор буд, акнун ба ноҳияи Б.Ғафуров кӯчонида мешавад. {jathumbnail off}
Мӯҳр