Дар ин бора ба хабарнигори «Озодагон» дар шӯъбаи мубориза алайҳи гардиши ғайриқонунии маводи нашъадори РКД-и вилояти Суғд иттилоъ доданд.
Тибқи иттилои манбаъ,дар давоми соли 2012 аз тарафи кормандони милиса дар гурӯҳи шаҳру навоҳии вилоят аз гардиши ғайриқонунӣ 308 килограмму 164 грамм маводи нашъовар дарёфт ва мусодира гардид: «Ин миқдор нисбати нишондиҳандаи ҳамин давраи соли гузашта 56 кило кам мебошад, соли гузашта аз гардиши ғайриқонунӣ зиёда аз 364 кг маводи мухаддир мусодира шуда буд».
Гуфта мешавад, аз миқдори умумии маводи мусодирагардида (308 кг), зиёда аз 37 кг-и онро маводи сахттаъсири ҳероин, 320 кг гурӯҳи бангдона ва 28 килои онро афюн ташкил медиҳад. Аз рӯи ин ҷиноятҳо дар давраи сипаригардида 173 парвандаи ҷиноӣ бо моддаҳои 200, 201 -и КҶ ҶТ оғоз гардида, тафтишот идома дорад.
Мӯҳр