Мақомоти мисрӣ мегӯянд, 430 нафареро дастгир намудаанд, ки барои эҷоди ноамнӣ дар дохили кишвар аз хориҷ маблағ мегирифтаанд.
Бино ба навиштаи расонаҳои хориҷӣ, дар ин бора Имод Ҳусен, мушовири амниятии раисҷумҳури Миср хабар дода, афзудааст: “Дар мавриди сармоягузорӣ шудани афроди гумонбар дар эҷоди нооромӣ аз сӯйи кишварҳои араб ҳеч иттилое надорад”.
Ин дар ҳолест, ки тайи як ҳафта мешавад тазоҳурот ва гирдиҳамоиҳое майдону хиёбонҳои Мисрро фаро гирифта, бархе аз иншоотҳои давлатӣ аз тарафи тазоҳургарон ба оташ кашида шудаанд.
Ёдрас менамоем, ки чанде қабл расонаҳои мисрӣ роҳандозӣ шудани тазоҳуротҳои ахири Қоҳираро ба номзади нокоми риёсати ин кишвар ва собиқ вазири фавқулоддаи ҳукумати Муборак- Аҳмад Шафиқ рабт дода буданд.
Мӯҳр