Бахшҳо
10 апр 2012 06:57Гузориш

Муҳаммад Ғоиб: Мардум ба Пайғамбари Худо эрод мегиранд

Чанд сол аст, ки телевизионҳои Тоҷикистон намоиши барномаҳо идонаро ба ҳадди ифрот мерасонанд.

Ба дараҷае, ки ин барномаҳо барои тамошогар дилбазан мешаванд. Бахусус барномаҳои идонаи хоси соли нави масеҳӣ ва ҷашни Наврӯз ҳануз чандин рӯз пеш аз ид ва қариб як моҳи дигар пас аз гузаштани ҷашн намоиш дода мешавад. Имсол низ рафти таҷлил аз ҷашни Наврӯзи соли 2012 дар телевизионҳои Тоҷикистон ҳанӯз аз авохири моҳи феврал шурӯъ шуда то ба ҳол идома дорад. Намоиши таҷлили Наврӯз дар пойтахти ҷумҳурӣ ва шаҳрҳои калони кишварро фаҳмидан мумкин, аммо намедонам чӣ зарурат ҳаст, ки барномаҳои наврӯзии тамоми ноҳияҳоро ҳафтаҳову моҳҳо ба намоиш гузорем. Гузашта аз ин телевизион, ки дастгоҳи идеологии давлат бояд бошад, наход рисолаташро дар намоиши ҷашну рақсу бозӣ хулоса кунад. Охир ҳамин наврӯзро дар чандин кишвари ҷаҳон ҷашн мегиранд, вале дар ҳеч ҷои дигар мисли мо ду моҳ давом намеёбад.

Имрӯз даҳрӯзаи аввали моҳи апрел мегузарад аммо барномаҳои наврӯзии ТВ-ҳои тоҷик идома дорад. Барои дар хусуси кай ба охир расидани ин ҳама барномаҳои беохири наврӯзӣ ба Муҳаммад Ғоиб директори Шабакаи аввали телевизиони Тоҷикистон тамос гирифтем. Номбурда дар ҳамин маврид чунин иброз намуд:

- Мо намоиши идонаи наврӯзии шаҳру ноҳияҳоро аз рӯзи 2-юми апрел сар кардем ва то 18-уми ҳамин моҳ идома хоҳад кард. Ин намоишҳо аз 3 дақиқа то як соат намоиш дода мешаванд. Як қисми наворҳоро телевизиони «Ҷаҳоннамо», қисми дигарашро телевизиони «Сафина» ва қисмате аз ин наворҳоро мо гирифтем. Он намоишҳое, ки тариқи шабакаи аввал пахш мешавад, мо ба телевизиони «Ҷаҳоннамо» ё «Сафина» медиҳем ва наворҳои намоиш додаи онҳоро мо намоиш медиҳем. Ин ба хотири он ки ҳеч як ноҳия бенаво намонад ва ҳар кадомашон худашонро бинанд. Албатта ҳар як ноҳияе, ки Наврӯзро дар сатҳи баланд ва бо ҳунармандӣ таҷлил кардааст, мо ҳатман намоиш медиҳем, инҷо натанҳо намоиши Наврӯз аст,  балки аз инҷо истеъдодҳо пайдо мешаванд. Аксари санъаткорҳо дар ҳаминхел ҷашнҳо пайдо шудаанд.

Ба ростӣ бархе тамошочиёнро як навъ ҳарос фаро гирифта буд, ки нашавад, пас аз тамом шудани намоиши наврӯзии шаҳру ноҳияҳои ҷумҳурӣ ТВ-ҳои мо ба намоиши барномаҳои наврӯзии ҷамоатҳо оғоз кунанд. Хушбахтона Муҳаммад Ғоиб дар ин маврид ҷавоби рад дод: «Ҷамоатҳоро нишон намедиҳем фақат, таҷлилгирии наврузии ҳамаи шаҳру ноҳияҳоро, ки дар сатҳи баланди ҳунармандӣ баромад намудаанд намоиш медиҳем.»

Муҳаммад Ғоиб мегӯяд, вақте, ки дар сатҳи ҷаҳон дар таҷлили ҷашни Наврӯз инқадар чизҳо нишон медиҳанд мо ҳақ надорем, ки намоишҳои наврӯзии ноҳияҳои худамонро намоиш надиҳем. Ҳар кас мехоҳад худашро бинад, сарояндаҳое, ки дар ҳаёташон баромад накардаанд ва барои мардум ношиносанд заҳмат кашида барнома тайёр кардаанд, мо барои ҳамин пешниҳод кардем. Ба он хотир, ки ягон ноҳия бенаво намонад, ба хотири якдигарро дидану фаҳмидан, урфу одатҳои як дигарро хубтар дарк кардан пешниҳод кардем.

Ӯ дар посух ба суоли, ин ки оё  барномаҳое, ки ҳар шом тақрибан як соату якуним соат пахш мешаванд, ба назари шумо ба мардум дилбазан нашудаанд, чунин гуфт: «Мардум ба Пайғамбари Худо эрод мегиранд. Чӣ хел дилбазан аст, ки як ноҳия аз ноҳияи дигар фарқ дорад. Масалан мо ноҳияи Мурғобро нишон диҳем барои ноҳияи Дарвоз чи аҳамият дорад? Ё барои ноҳияи Восеъ ё барои вилояти Суғд ҳар кас бояд нақши худашро бозад. Аз ҳамин қадар ноҳияи дурдаст меҳнат карда равон кардаанд, ки ҳамин наврӯзии моро нишон диҳед. Дар ҷойи мо шумо бошед нишон медиҳед-ку. Аз 18 соат як соат намоиш медиҳем чӣ ҷойи дилбазанӣ дорад?».

Имрӯзҳо ҳазор занги телефонӣ мешавад. Як кас як чиз мехоҳад каси дигар тамоман чизи дигар. Намедонӣ фикри киро амалӣ кунӣ, мегӯяд Муҳаммад Ғоиб.

Шуморо намедонам, хонандагони азиз аммо ман аз ин гуфтаҳои директори шабакаи аввал дар шигифт меоям. Охир телевизион бояд барномарезии худро дошта бошад на ин ки  дар ҳайрат зананду ба гуфтаи кӣ амал карданро фикр кунанд.

Пас аз ин гуфтаҳои ҷаноби Муҳаммад Ғоиб ба худ меандешам, ки хайрият Тоҷикистон як кишвари хурд аст, ва ба мисли кишварҳои дигар дорои шаҳру вилоятҳои зиёд нест, вагарна телевизионҳои тоҷик аз ин баҳор то баҳори дигар таҷлили Наврӯз нишон медоданду бас.

Ибодуллоҳи Тоир

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)