Бахшҳо
16 ноя 2012 05:00Гузориш

Заминҳои «ғайриимкон» барои сохтмони манзили зист дар Кӯлоб

Ҳарчанд аз Қарори Ҳукумати ҷумҳурӣ дар мавриди тақсимоти замин барои бунёди манзили зист зиёда аз 2-сол  гузашта бошад ҳам, аммо масъулин дар ҳукуматҳои маҳаллӣ то ҳанӯз наметавонанд ва ё намехоҳанд ин супориши Ҳукумати марказиро ба анҷом расонанд.

Бемасъулиятӣ ва коҳилии майдачиновникҳо бар он овардааст, ки дар музофот дигар мардум ба фармонҳои ҳукумат бовар надоранду гузашта аз ин фикру андешаҳои гуногун баровардан мекунанд. Ба ақидаи авом ва мушоҳидаҳо низ гувоҳи ин гуна гумонҳо мегарданд, дар аксари маврид тақсимоти замин барои сохтмони манзил ба таври ғайринавбатӣ ва бо истифода аз хешу таборбозиву коррупсия амалӣ мегарданд. Агар чунин нест, пас бо кадом иллат дар шаҳру навоҳӣ ва ҷамоатҳо тақрибан 50 фисад ва баъзан ҳатто аз он ҳам зиёд заминҳои ҷудогашта тақсим карда нашудаанд?

Танҳо дар навоҳии минтақаи Кӯлоби вилояти Хатлон, тибқи иттилои Тоҳир Саидов, раиси кумитаи заминсозии минтақа 4487-гектар замин барои сохтмони манзили зист ҷудо карда шуда буд. Ба гуфтаи ин масъул, аз ҳамин миқдор 3469-гектараш гӯё барои эҳтиёҷмандон ҷудо ва тақсим гардонда шудааст. Вале, боз ҳам ҷаноби Саидов муқобили гуфтаҳои худ иброз дошт, ки зиёда аз 40-ҳазор нафари аризадиҳанда дар ҳамаи шаҳру навоҳии минтақа ҳамагӣ танҳо 2999 эҳтиёҷманд бо сертификат ва қитъаи  замин таъмин гаштаанду бас: «Иллати асосии тақсим нагаштани заминҳои ҷудошуда дар беҳавсалагӣ ва коҳилии кормандони шуъбаҳои меъморӣ ва комисияҳои ҷамоатии навоҳӣ мебошад. Аз ҷониби дигар, ҳангоми ҷудо намудани замин барои бунёди манзили зист дар ҳамаи навоҳӣ ғайрипрофесионалӣ кор бурда шудааст.

Қитъаҳоро дар теппаҳои дур аз мавзеъҳои аҳолинишин, дар санглоху миёни теппаву дараҳо, дар мавзеъҳои хатарзои зери теппа ва дар сари роҳи селомад, ки ҳар лаҳза хавфи офати табиӣ таҳдид мекунад,  ҷудо намудаанд. Одамон ҳам барои бунёди хона дар ин мавзеъҳо худдорӣ мекунанд ва намераванд. Баъди хулосаи комиссияи махсус, қисмате аз заминҳо ғайриимкон эълом гаштанд. Аз ин ҷо, садҳо гектар замин ғайриимкон дониста шуд, ки мутаассифона дар онҳо сохтмони хона ва дигар иншоот комилан мамнуъ аст. Танҳо дар Кӯлоб 117-гектар, дар ноҳияи Ҳамадонӣ беш аз 11-гектар замин барои хонасозӣ баъди санҷиши комиссия аз дурнома бекор гардонда шуд. Ҳамин гуна  вазъият дар ҳамаи навоҳии минтақа мавҷуд аст».

Бубинед, инро касе, мегуфт, ки мутахассиси соҳа будаву сардории кумитаи заминсозиро дар ҳамаи минтақа бар дӯш дошт ва бегумон дар мавриди тақсимоти замин барои бунёди манзили зист бояд ҷавобгӯ мебуд.

Мантиқан, садҳо нафар аз эҳтиёҷмандон маҳрум аз қитъаҳои хонасозӣ гаштаанд. Ин дар ҳолест, ки дар ҳар хонадони тоҷик, ки ҳамагӣ 6-7 дарсад (сотих) замин дорад,  3-4-оила бо шумули беш аз 10-нафарӣ ба сар мебаранд.

Воқеан дар навоҳӣ барои хонасозӣ заминҳое ҷудо шудаанд, ки дар аксари маврид аз оддитарин сохторҳои коммуникатсионӣ маҳрум аст. Қисмати зиёди ин заминҳо дар талу теппа, заминҳои хушку лалмии садсолаҳо рӯйи обро надида, миёни дараву ҷарӣ, бе хати алоқаву барқу газу роҳи нақлиётгард ва дур аз минтақаи аҳолинишин будааст. Бо ин ҳама, ҳанӯз ҳам бо гузашти муддати зиёд аз супориши президент ва ҳукумати марказӣ, ҳукуматҳои маҳаллӣ  дар минтақа дар пайи иҷрои ин супоришу қарор тақрибан нестанд, зеро багумон дар боло ҳам аз ин амал дигар касеро парвое нест. Муҳим коғаз буду амру қарор. Дигар раият медонад бо оилаҳои зиёдашу кӯҳу пуштаву заминҳои лалмӣ.

Аслиддин Достиев, Кӯлоб










Мӯҳр
Дар нохияи восеъ дехаи кадучи замин барои сохтмони хона ба ахолии ниезманд кай таксим карда мешавад?

ман илтимос менамоям ки ба саволи ман кутох ва дакик чавоб дихед.Дар дехаи кадучии н- восеь замин ба ахолии ниезманд кай таксим мешавад.

Дар дехаи кадучи замин кай таксим мешавад.илтимос кутох чавоб дихед.

Ман ба рости аз ин чавоб он кадар каноатманд нагаштам .Чун ки ман мехохам донам ки кай таксимоти навбатии замини наздихавлиги ба рох монда мешавад.Агар таксимот шавад кай ?

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)