Бахшҳо
24 дек 2012 11:11Гузориш

Бародари саввуми Кӯлоб…

Рӯзи сешанбе Кӯлобшаҳр боз як бародаршаҳри дигарро пайдо намуд. Воқеан, ин барои саввумин маротиба аст, ки Кӯлоб дар мувофиқа ва бастани паймону шартнома бо шаҳрҳои дигари хориҷӣ, тайи чанд соли ахир бародардор мегардад.

Аммо ҳамин бародарӣ ба чӣ хотир ва барои кию чӣ зарур мебошад, то ҳол касе дарк карда наметавонад. Бародарони бузургу пешрафтаи дунё, Ҳамадонии Эрон ва Намури Белгиё, ки тақрибан аввали ҳамин аср бо Кӯлоб риштаи дӯстиву аҳди бародарӣ намуда буданд, баъди имзои шартномаву паймон, дигар парвои Кӯлоб накардаанд. Ва баръакс, Кӯлобшаҳр ҳам дигар ёди он бародарон накардаву ва бегумон, ёд ҳам нахоҳад кард.

Аз ин шаҳрҳои бародар танҳо дар Кӯлоби Тоҷикистон шояд дар кадом утоқи корманди ҳукумате ва ё осорхонае Паймони бародарии ин шаҳрҳо боқӣ монда бошад ва ё монад, вале дигар аз ин бародарӣ чизе боқӣ нахоҳад монд. Болоиҳамрафта, шаҳри овозадори Қунияи Туркиё аввали ҳамин ҳафта бо Кӯлоб риштаи бародарӣ бипайваст. Баъди ин аҳд, тақрибан дар ҳама ҷо аз ин бародарӣ сухан мекарданд.

Аксарият, воқеан мардуми оддӣ, хушҳол аз он буданд, ки шаҳрдори Кӯлоб, ки дар сафари кории президенти Тоҷикистон ҳамроҳ буд, ин паймонро ба имзо расонидаву шояд дар оянда ин аҳд ба пешрафти Кӯлобшаҳр мусоидат намояд. Вале, некназарон аз муносиботи бародарии собиқ ду бародаршаҳри дигар қоиланд, ки аз бародари саввуму дигар бародаршаҳрҳои навбатӣ чизеро набояд интизор шуд.

Ба пиндори оқилон, нашояд аз бародаршаҳрии кадом давлате манфиате ҷуст, зеро дар ҳич давру дар ҳич замон набуду нест ҳолате, ки барои фоидаи дигаре кореро ба анҷом расонид. Аз назари як хонандаи мактаби миёна бо номи Сафархон, «Кӯлоб бо шаҳри Хуҷанди Тоҷикистон ҳам бародаршаҳр гашта буд. Аммо баъди имзои шартнома, дигар бародарон пурсони ҳолати якдигар нестанд, агарчӣ ҳамхунанд. Чӣ расад ба бародаршаҳрии кадом давлати бегона».

Воқеан, гумон меравад бародаршаҳрӣ имрӯзҳо ба бародарии инсонҳо якранг гаштааст. Замони ахир, бародарони ҳамхуну аз як падару модар омада, дигар мушфиқу дастгири якдигар нестанд. Як нафаре қасру кушк бунёд мекунаду кушиши дар ҳар шаҳру ноҳияе хонасозӣ дорад, аммо бародарони ҳамширааш дар қашоқиву бечорагӣ, мӯҳтоҷ ба бурдаи ноне ба сар мебаранд. Бародари доро аз ҳоли эшон ҳич пурсоне намешавад, агарчӣ миёни бегонагон лофи бародариву дӯстӣ мезанад. Гузашта аз ин, худро шарики шодиву ғами бародарон унвон мекунад. Куҷо расад ба бародарии аҷнабие, он ҳам бошад дар сурати шаҳрҳову давлатҳо…

Дар ҳамин ҳол, бархе коршиносон бар он назаранд, ки Қуния яке аз шаҳрҳои таррақикардаву саноатии Туркиё буда, баъди бародар гаштанаш ҳатман барои Кӯлоби Тоҷикистон судгузор мегардад. Ин шаҳр гуё метавонад дар рушди саноати Кӯлоб мусоидат намояд. Вале гурӯҳи дигар бар онанд, ки Қуния метавонад Кӯлобро ба манфиати худ, дар тиҷорати молу колояш истифода барад.

Гумони ғолиб бар он аст, ки ин шаҳри бародар ҳам дигар Кӯлобу Тоҷикистонро ба як бор аз ёдҳо берун хоҳад кард, мисоли эрониҳову белгиёгиҳо ва ё ба монанди бародарии инсонҳо, танҳо аз манфиати худ кор гирифта, вале сарбаландона миёни ҷомеаи ҷаҳонӣ ҷор хоҳад зад, ки «бародаршаҳри тоҷикии худро» дастгир шудааст.

Воқеан, Тоҷикистонро дарси кӯҳна ҳанӯз фаромӯш нагаштааст, ки 15-ҷумҳурии бародар дошту тайи беш аз 70 сол қафомондатарин аз бародарон буд, агарчӣ имрӯзҳо собиқ бародарон лоф мезананд, ки Тоҷикистонро кумакҳо кардаанд.

Аслиддин Достиев

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)