Бахшҳо
22 фев 2013 15:01Иҷтимоӣ

Чаро ҳар баҳор нархи чиптаи ҳавопаймо боло меравад?

Ширкатҳои ҳавопаймоии Тоҷикистон ҳар баҳору тирамоҳ, яъне мавсими рафту омади муҳоҷирон, нархи чиптаҳояшонро боло мебаранд. Масъулони ширкатҳо гароншавии нархи маводи сӯхтро баҳона пеш меоранд, вале сокинон мегӯянд, ин ширкатҳо аз фурсате, ки барояшон даст медиҳад, сӯистифода менамоянд. “Озодагон” аз масъулони ширкатҳои ҳавопйамоӣ ва коршиносон иллати болоравии нархи чиптаҳои ҳавопайморо пурсид.

Лола КЕНҶАЕВА, сухангӯи ширкати “ТоҷикЭйр”:

“Ин чиз мавсимист. Зеро аз ин тараф мусофир ҳасту аз тарафи дигар нест ва дар натиҷа ҳавопаймо холӣ бармегардад. Иллат дар ҳамин аст. Айни ҳол нархи чипта дар ҳудуди 50 евро боло рафтааст. Тамом шудани ин мавсим ҳам аз бозор вобаста аст. Агар теъдоди мусофирон коҳиш ёбад, нарх пасттар мешавад. Аз ин хотир, ҳавопаймо наметавонад он ҷо холӣ парвоз кунад.”

Барот ЮСУФӢ, журналист:

“Сабаби аслӣ афзоиши муштариёни ин ширкатҳост. Ман шоҳид будам, на танҳо дар фасли баҳор, балки дар рӯзе, ки замони парвоз наздиктар ва шумори ҷойҳо дар ҳавопаймоҳо камтар мешавад, қимати чиптаҳоро боло мебаранд. Ин як хусусияти тиҷоратии ҳамин ширкатҳост. Чун баҳор замони муҳоҷирати зиёди шаҳрвандони мо ба Русия аст, нархи чиптаро боло мебаранд ва медонанд, ки ба ҳар нархе бошад, муҳоҷирон онро харидорӣ мекунанд. Дар инҷо Хадамоти зидди инҳисории кишвар бояд дахолат карда нагузорад, ки ҳар ширкат ҳар тавре мехоҳад нархи чиптаҳояшро боло барад. Сатҳи иҷтимоии мардумро ҳам бояд ба назар гиранд. Чун мардуме, ки дар Тоҷикистон зиндагӣ мекунанд, худ ниёз ба ҳамон муҳоҷирон доранд. Назорати ҳукумат ҳам аз болои ширкатҳо бояд ҷиддитар бошад.”

Темур БАНДИШОЕВ, масъули дафтари матбуоти “СомонЭйр”:

“Ширкати ҳавопаймоии "СомонЭйр" дар давраи мавсими баҳори соли 2013 гарон кардани арзиши чиптаҳои авиатсиониро ба самтҳое, ки парвозро ба анҷом мерасонад, ба нақша нагирифтааст. Нархи тарифҳо мисли пештара хоҳад монд. Аммо, агар нархи сӯзишворӣ ё хизматрасонӣ дар фурудгоҳ баланд шавад, ширкат маҷбур мешавад, дар нархи тарифҳо тағйирот ворид кунад.”

Исмоил ТАЛБАКОВ, вакили Маҷлиси Намояндагон:

“Дар иқтисоди бозорӣ тамоми ширкатҳо ба мақсади дарёфти фоидаи бештар амал мекунанд. Чун талабот нисбат ба тобистону тирамоҳ ва дигар фаслҳо дар ин фасл зиёдтар аст, нархи чиптаҳоро гарон менамоянду даромади муфт мегиранд. Ин ба муносибатҳои иқтисодӣ ва арзиши аслии хизматрасониҳо ҳеч дахле надорад. Акнун дар ҷаҳони мутараққӣ чунин нест, мардуми соири мамолик дар ин ҳолатҳо даст ба митинг зада обрӯву нуфузи ингуна ширкатҳоро паст мезананд. Чун мо як кишвари дар ҳоли тараққӣ ҳастему таҷрубаи ончунонии хизматрасонӣ надорем, ҳамин ҳолатҳоро истифода мебаранд.”

Саймаҳмад САНГОВ, муҳоҷир:

“Чун дар баҳор шаҳрвандони мо ба Русия зиёд мераванд, талабот ҳам ба ҳамин хотир афзоиш меёбад ва нархи чиптаҳои ҳавопаймо боло меравад. Дар тирамоҳ баръакс ҳиҷрати шаҳрвандон ба Русия кам мешавад ва барои ҳамин дар ин давра нархи чипатҳо коҳиш меёбад. Дар зимистон низ ба сабаби он ки муҳоҷирон аз Русия бо теъдоди бештаре бармегарданд, аз он тараф нархи чиптаҳо гарон мешавад. Дар маҷмуъ афзоиш ёфтани нархи чиптаҳо ба боло рафтани талаботи шаҳрвандони Тоҷикистон ба муҳоҷират марбут мешавад.”
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Феврал 2023    »
ДушСешЧорПанҶумШанЯкш
 12345
6789101112
13141516171819
20212223242526
2728 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)