Баррасии ҳамкорӣ байни сохторҳои қудратии Чину Тоҷикистон
Рамазон Раҳимов, вазири корҳои дохилии Тоҷикистон, бо сафири Чин дар Душанбе, Фан Сянжун ҳамкориро дар бахши таъмини амният баъди хуруҷи нерӯҳои НАТО аз Афғонистон баррасӣ кардаанд.
Тавре аз Вазорати умури дохилӣ ба хабаргузории “Озодагон” иттилоъ доданд, зимни ин мулоқот ҷонибҳо «Барнома оид ба тақвият бахшидан ба ҳамкорӣ байни Вазорати бехатарии ҷамъиятии Чин ва Вазорати корҳои дохилии Тоҷикистон дар соли 2013»-ро мавриди муҳокима қарор додаанд. Манбаъ афзуд, дар рафти вохӯрӣ Фан Сянжун намояндаи расмии Вазорати бехатарии ҷамъиятии Чин дар Душанбе ҷаноби Бян Юйтсзеро муаррифӣ намуд.
Зимни вохӯрӣ тарафҳо масъалаҳои марбут ба густариши ҳамкории дуҷонибаро дар мавриди мубориза алайҳи ҷинояткорӣ, терроризм ва экстремизм, инчунин таҳдиду хатарҳое, ки эҳтимол аст пас аз хуруҷи нерӯҳои ТҲАШ (НАТО) аз Афғонистон ба миён оянд, баррасӣ намуданд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |