Бахшҳо

Мушкили депутатҳо: "Тугмача" кор намекунад, монитор "мемирад"

Ҳумайрои БАХТИЁР

Дар ҷаласаи навбатии парлумони Тоҷикистон вакилони мардумӣ 7 масъаларо ба баррасӣ гирифта, қабул карданд. Агар қисме аз масоилро вакилон бо раъйдиҳӣ тавассути таҷҳизоти фаннӣ қабул карданд, қисми дигарро бо ҳамон «усули бобоӣ».

Бояд гуфт, дар нимаи дувуми Маҷлиси намояндагон дастгоҳҳои раъйдиҳӣ аз кор баромаданд. Албатта, агар ин ҳодиса дар мақомоти дигар ба вуқуъ ояд, шояд чандон муҳим набошад. Аммо дар ҳокимияти қонунбарор такрор шудани ин ҳолат боиси андеша аст.

Дастгоҳҳои 15-солаи парлумон

Тавре зикр кардем, ин бори аввал нест, ки дастгоҳҳои раъйдиҳии парлумон ҳангоми қабули қавонин корношоям гарданд. Дар ҷаласаҳои қабл низ вакилон аз ночорӣ даст боло карда, мавқеи худро рӯшан менамуданд. Дар сӯҳбат ба «Озодагон» Мироҷиддин Ҳакимов, вакил аз ҲХДТ ва узви Коммисия оид ба дастур ва назорати кори Маҷлиси Намояндагон, гуфт, ин мушкил хусусияти фаннӣ дорад. Зеро дастгоҳҳои мазкур бештар аз 15 сол кор карда, ҳоло корношоям шудаанд.

«Албатта, ин мушкил бартараф хоҳад шуд. Барои ин амал фурсат лозим аст, чунки МН тибқи смета ва аз ҳисоби буҷаи давлатӣ фаъолият дорад. Аз ин хотир, фурсат лозим аст, то мо барои аз нав харидорӣ намудани таҷҳизоти зарурӣ ба буҷаи давлатӣ таѓйиру иловаҳо ворид намоем. Тавре Шумо медонед, мо дар як сол як бор буҷаро қабул мекунем»,-гуфт Мироҷиддин Ҳакимов.

Мусоҳиби мо дар идома афзуд, дар ҳар сурат аз кор баромадани дастгоҳи раъйдиҳӣ барои фаъолияти вакилон ҳеч мушкилиеро пеш наовардааст.

Кабирӣ дастгоҳҳоро иваз кардани буд, аммо Зуҳуров рад кард


Ин дар ҳолест, ки Сайидумар Ҳусайнӣ, вакил аз ҲНИТ, аз такрори чунин ҳолат дар парлумон шикоят намуд. Ба андешаи ӯ, вуҷуд доштани машкилоти фаннӣ ба ҳокимияти қонунбарор қобили қабул нест: «Дар ибтидои соли ҷорӣ низ чунин ҳолат рух дода буд. Мо маҷбур шудем, дастҳоямонро боло бардошта овоз бидиҳем. Ҳамон замон ҷаноби Кабирӣ аз Зуҳуров хоҳиш карданд, ки имкони иваз кардани таҷҳизоти фаннӣ дар мувофиқа бо чанде аз тоҷирон вуҷуд дорад. Аммо Зуҳуров гуфт, ҳукумат худ дар пайи ивази ин техника ҳаст. Аммо то имрӯз дар ин масъала ҳеч хабаре нест.”

Ба иддаои Ҳусайнӣ, чӣ гуна вакилон даъвои ҳифзи манфиатҳои мардум мекунанд, замоне ки мушкили худро зуд бартараф карда наметавонанд.
Аммо Исмоил Талбаков, вакил аз ҲКТ, бо ишора аз вобастагии парлумон ба буҷаи давлатӣ гуфт, вакилон аз ин воқеа набояд нигарон бошанд. Ба гуфтаи ӯ, кумитаи марбут ба ин масъала машѓул буда, дастгоҳҳои мазкур ҳатман таъмир хоҳанд шуд.

Ҳукумат нисбат ба парлумон беэътиноӣ мекунад?

Дар ҳамин маврид Сайидумар Ҳусайнӣ мегӯяд, чӣ гуна баъзе вакилон аз имконияти маҳдуди буҷаи давлат мисол меоранд, дар ҳоле ки ҳар ҷаласа парлумон ширкатҳоро аз молиёт озод карда, ё ҳамчунин чанд созишномаҳои ёриҳои бебозгаштро тасдиқ мекунад. Ин вакил аз ҲНИТ аз он дар тааҷҷуб аст, ки чӣ гуна парлумон барои бартараф кардани мушкилоти фанниаш оҷиз аст. Сабаби аслии зуд бартараф нагардидани ин масъаларо ҷаноби Ҳусайнӣ дар бетаваҷҷуҳии ҳукумат нисбат ба Маҷлиси Намояндагон арзёбӣ мекунад.

Бояд гуфт, аз кор баромадани дастгоҳҳои раъйдиҳӣ ягона мушкили фаннии парлумон нест. Дар ин авохир барои хабарнигорон низ назорат бурдан аз рафти иҷлос дар баъзе ҳолат мушкил мегардад. Тавре маълум аст, хабарнигорон берун аз толори маҷлис нишаста, мубоҳисаи вакилонро назорат мекунанд. Вале ҳангоми баргузории ҷаласаҳои парлумонӣ баъзан садо қатъ мегардад. Гузашта аз ин, ҳолатҳое ҳам кам нестанд, ки монитор хомӯш мешаваду дар толори парлумон чи мегузарад, ноаён мемонад.

Маврид ба зикр аст, ки монитор дар парлумон дар ду ҳолат хомӯш мешавад. Тавре гуфтем, баъзан бо сабабҳои техникӣ. Вале боз ҳастанд ҳолатҳое, ки раиси парлумон Шукурҷон Зуҳуров дар рафти баҳсҳои ҷиддӣ хоҳиш мекунад, то монитор хомӯш карда шавад.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Феврал 2023    »
ДушСешЧорПанҶумШанЯкш
 12345
6789101112
13141516171819
20212223242526
2728 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)