05 мар 2014 12:33Тоҷикистон / Мусоҳибаҳо / Дидгоҳи хос

“Аз роҳи раъйпурсӣ мехоҳанд, тақдири интихоботи 2020-ро ҳал кунанд”

Шокирҷон Ҳакимов, муовини раиси Ҳизби сотсиал-демократи Тоҷикистон (ҲСДТ), ба муқобили пешниҳоди Сӯҳроб Шарифов, вакили Маҷлиси Намояндагон, дар мавриди баргузории ҳамапурсӣ барои иваз намудани сохтори давлатдорӣ баромад. Ӯ рӯзи 5 март дар сӯҳбат бо “Озодагон” гуфт, “айни ҳол зарурати чунин раъйпурсӣ вуҷуд надорад”.

АНДЕШАҲОИ СӮҲРОБ ШАРИФОВ

Ҷаноби Ҳакимов мегӯяд, бо амалӣ намудани идеяи раъйпурсӣ доираҳои муайян ҳадафҳои худро пиёда карданиянд, ки он ҳам фароҳам кардани шароит барои иштироки Эмомалӣ Раҳмон дар интихоботи президентии 2020 мебошад. Ба қавли ӯ, “одамоне пайдо мешаванд, ки бо нияти нишон додани садоқатмандии худ шароит ба вуҷуд меоранд, то Эмомалӣ Раҳмон дар интихоботи навбатии президентӣ низ ширкат кунад. Мувофиқи мақсад мебуд, интихоботи 2020 бо иштироки номзадҳои дигар гузарад ва номзаде, ки интихоб мешавад, дар доираи барномаи пешазинтихоботияш ба Қонуни асосӣ пешниҳодҳоро дар мавриди ворид намудани тағйиру иловаҳо омода кунад.”

Шокирҷон Ҳакимов иброз дошт, “шояд Сӯҳроб Шарифов бо назардошти будани вилояти мухтори кӯҳистони Бадахшон мехоҳад, сохти шакли давлат тағйир ёбад, ки ин дуруст нест”. Зеро ба гуфтаи муовини раиси ҲСДТ, тамоми далелҳо барои нигоҳ доштани мақоми ҳуқуқии автономӣ дар Бадахшон вуҷуд дорад ва зарурате барои аз нав баррасӣ кардани ин мавзӯъ намондааст.

Мусоҳиби мо гуфт, вале андешаҳои Сӯҳроб Шарифовро дар мавриди барҳам додани Хуҷанду Қӯрғонтеппа ҳамчун маркази вилоятҳо дастгирӣ менамояд. “Зеро аз будани онҳо бештар зарар аст, на фоида”,-таъкид дошт ӯ. Шокирҷон Ҳакимов гуфт, “чунин марказҳо ба пешрафти ноҳияву шаҳракҳо, ки тобеи онҳоянд, монеа эҷод намуда, маҳалгароӣ, коррупсия ва дигар зуҳуроти номатлубро ба вуҷуд меоранд. Дар ободонӣ ҳам авлавият ба ин марказҳо дода мешавад, ки хуб нест.”

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

хак

Хакикат окибат дорад! дар тули солхои охири давлатдории точикистон хамаи он сиёсатхое ки вучуд доштанд чи дохили ва чи хоричи минбаъд дар назди ошкоро мешаванд. Бадахшон вилояти автономи аст ва мемонад,аммо мардуми он медонанд ки дар парламент бесаводхо барои хали ягон масалаи мухимас дасташон намеояд ё онхо аз барои чои мизи кориашон мекунанд хама корхоро ба ихтиёрашон гузоштан. Инак вакти он расидаистодааст, ки хисобу китоб шуруъ мешавад. Акнун конунхоро не балки сарконунро хам агар таъгир диханд ба хадаф намерасанд. Минбаъд мардум худашон сарварро интихоб карданиянд раисони вилоятхою нохияхоро худашон интихоб мекунандва конунро худашон тартиб медиханд ва баъд азон хисобот мекунанд ки заминро ки фурухтаст дар асоси кодом конун дар асоси конуне ки хакикат аст конуне ки аз дахони хар як шарванд мебарояд

Ҷавоб диҳед Иқтибос Шикоят

Эзоҳ илова кунед