26 май 2014 08:37Тоҷикистон / Дин ва зиндагӣ

Қозии собиқи мусулмонҳо: “Ба донишгоҳе, ки бо сатр намемонад, наравед”

Ҳоҷӣ Акбар Тӯраҷонзода, собиқ қозии мусалмонони Тоҷикистон, худдории донишҷӯдухтарон аз таҳсил дар макотиби олие, ки пӯшидани рӯсарию ҳиҷобро барои донишомӯзони худ манъ мекунанд, авло донистааст.

Оқои Тӯраҷонзода дар посух ба суоли яке аз корбарони сайти Turajon.org гуфтааст, “агар мусъулини донишгоҳ духтарони мусалмононро иҷоза нидиҳанд, бо риоя кардани либоси исломӣ таҳсил кунанд, пас, барои зани мусалмон ҷоиз нест дар чунин донишгоҳ илм омӯзад.”

Ҳоҷӣ Акбар Тӯраҷонзода таъкид кардааст, риояи либоси мазҳабӣ барои зани мусулмон фарз мебошаду набояд ба хотири таҳсил дар чунин як донишгоҳе аз он сарпечӣ кард: “Иҷро кардани фарзи Илоҳӣ ва ҳифз кардани номуси исломӣ болотар аз таҳсил кардан дар чунин донишгоҳҳо аст.” Ӯ дар охир илова кардааст, маҳрум намудани зани мусулмон аз либосҳои исломӣ, аз ҷумла рӯсарию ҳиҷоб поймолкунии ҳаққи онҳо мебошад.

Ин посухи собиқ қозии мусулмонони Тоҷикистон дар ҳолест, ки дар макотиби миёна ва олии кишвар пушидани рӯсарӣ ва ҳиҷоб қатъиян манъ мебошад ва дар Тоҷикистон танҳо як донишкада ва литсеи исломӣ фаъолият доранд, ки ба донишомӯзони худ чунин маҳдудият ҷорӣ накардаанд. Мақомоти расмӣ борҳо дар ин бора сӯҳбат карда гуфтаанд, бояд донишомӯзон ва толибилмон низомномаи Вазорати маориф ва илм ва худи донишгоҳҳову мактабҳоро, ки пӯшидани сарулибоси ягонаро талқин мекунанд, риоя намоянд. Ба бовари онҳо, чунин тасмим нақзи ҳуқуқи мусулмонҳо набуда, балки ҷорӣ намудани сарулибоси ягона дар донишгоҳҳову мактабҳост.

Мӯҳр

Хабарҳои монанд:

عبدألله

rtr,
шахрванд,
Вой бар холи шумо шумо барои худ хаиинро фарханг медонед ки занхоятон бо либосхои нимбарахна гарданд духтару хохаратон бо ронхои сап-сафеб чавонхоро ба шахват биёранд чандин чавонхо хавасашонро хуранд барои шумо хаминаст фарханг рост гуфт Расули Акрам (с а в) ки чаннат бар марди дайюс харом аст

Ҷавоб диҳед Иқтибос Шикоят

иброхим

хамаш хуб ощуро кардани эшон мо мусулмонора дар газаб овард эшонзодахо дигар ошуро карданатонро набинем
саломат бошед точикон

Ҷавоб диҳед Иқтибос Шикоят

карим

пушидани руймолро барои духтарон дар донишкадаву донишгоххо хеч кас манъ накардааст. Он либосе, ки Шумо исломи мехисобед либоси миллии халкхои дигар аст охир , ба фикрам тарзи духти либос мухим нест мухим он аст, ки тан пушида, яъне сар, дастон то чои муайян, пой тобучулак ва гайра бошад. Гайр аз ин боз масъалахои дигари мухимтар аз либос хам хастанд, ки бояд дар мавриди онхо бахс кард, ба дигар миллату халкхо нигаред, тараккиёту пешравии онхоро дар илму техника бинед, дигар монда шудем аз ин гуна бахсхо.

Ҷавоб диҳед Иқтибос Шикоят

чура

е дигар кор надоред шумо хами либоси гумрохии арабхоро бар сари точикон бор кардани ку я бор бинед арабхо атласи мо точиконро бипушанд чунин нест ухо ба он хотире ки сарзаминашон сахт гарм аст чунин либосро мепушанд хато мардакош хам сатрпушанд бад чи мардакхо хам шахвати хамдигарро мехезонанд даф шавед бо ин гапхои бемантикатон

Ҷавоб диҳед Иқтибос Шикоят

кобилджон

Саломуалейкум бародарони Исломи ва бандагони ХУДОВАНД. Харяки мо рузе бомарг вомехурем ва моро дарнасиб бошад кафан мекунанд ва бозгашт баназди ХУДОВАНД мебаранд.Ва бояд мо аз конуни,ки АЛЛОХ амр кардааст набароем.Ва ин либосе,ки сатр аст шумоён либоси Араб ва Эрони мегуед ин хато аст.Ин либос барои МУСАЛМОНОН аз чониби АЛЛОХ бовоситаи ПАЁМБАРОН фиристода шудааст,ки МОДАРОНАМОН ХАМСАРОНИ ПАЁМБАРОН МЕПУШИДАНД.Арабхо ва Эрониён ин хел либос надоштан ва ин либос либоси сатр барои тамоми Мусалмонони Оламиён аст.Ва АЛЛОХ И БУЗУРГ БА ПУШИДАНИ БАНДАГОНАШ НИЁЗ НАДОРАД.ВАЛЕ БАРОИ ЗАНИ МУСАЛМОН ФАРЗ ГАРДОНДААСТ.КАСЕ КУНАД ХУДОВАНД ПОДОШАШРО МЕДИХАД.КАСЕ НАКУНАД ХУДАШ ЧАВОБАШРО ДАР НАЗДИ АЛЛОХ МЕДИХАД.

Ҷавоб диҳед Иқтибос Шикоят

Эзоҳ илова кунед