Латту кӯби Меъроҷ барои он ки формаи мактабӣ нахаридааст
Ба қавли Азизхонов, дар натиҷа майнаи сари Меъроҷ осеб дида, ҳоло ӯ дар бемористони марказии Ашт, воқеъ дар шаҳраки Шайдон, бистарӣ мебошад. Ин сокини Ашт, ки номаи худро дар муҳоҷират навиштаву баъдан телефонӣ бо мо сӯҳбат кард, гуфт, нав вориди Русия шуда, ҳанӯз пул кор накардааст ва аз ин рӯ натавониста буд барои харидории либоси ягонаи мактабӣ ба писараш пул фиристад.
“Дар нимаи дувуми моҳи май маъмурияти мактаб аз талабагон талаб кардааст, ки либоси ягонаро аз мактаб харанд. Вақте писарам ин хабарро ба ман расонд, гуфтам, ки ҳозир маблағ надорам ва таҳсил ба охир расида истодааст, формаи мактабиро моҳи сентябр мехарам. Дере нагузашта ин ҳодиса рух дод”,-афзуд ӯ.
Азизхонов мегӯяд, агарчӣ латту кӯби писараш аз сӯи Мирзоҷоновро муаллимаи ибтидоӣ -- Ҳадиса Ҳаитова ва дигарон низ дидаанд, аммо чорае наандешидаанд. “Баъд аз ин ҳодиса рақами телефони директори мактаб Насибҷон Қодировро ёфта, 27 май ба ӯ занг задам ва дар бораи ин ҳодиса пурсидам. Гуфтам, ки дар Тоҷикистон ҷои кор надорам ва ба Русия ба наздикӣ омадам. Ҳоло кор наёфтаам ва аз куҷо пул ёфта, формаи мактабиро мехарам? Ӯ ба ман гуфт: “Мошинаатро фурӯхта, формаи мактабиро гир”,-нақл кард Саидхон Азизхонов.
Падари Меъроҷ мегӯяд, баъд аз он ки гуфт, аз рӯи ин ҳодиса ба додситонӣ шикоят мебарад, сарвари мактаб дарҳол роҳи мусолиҳаро пеш гирифтааст: “Гуфт, ки ин хел накун. Ҳамаамон аз як маҳаллаем. Ту на пули мактабро деҳу на формаи мактаби гир. Мо чораи ин муаллимро худамон мебинем. Вале то ҳол ягон чорае надида, аз ҳоли писарам низ напурсидааст.”
Баръакс, ба гуфтаи Саидхон Азизхонов, баъд аз бистарӣ шудани Меъроҷ дар бемористони марказӣ директори мактаби рақами 42 ба хонаи падари ӯ омада гуфтааст, “агар аризаатонро аз додситонӣ нагиред, 8-10 муаллим бар зидди Шумо мактуб тайёр мекунем”. Дар ҳоле ки ба гуфтаи Азизхонов, онҳо то ҳол ба ягон ниҳод барои расидагӣ ба қазияи писараш муроҷиат накарда, додситониву пулис дар ин бора аз табибон иттилоъ гирифтаанд. “Азбаски рӯзҳои наздик бо сабабҳои иқтисодӣ ба Тоҷикистон рафта наметавонам, аз Шумо эҳтиромона хоҳиш менамоям, ба ман роҳнамоӣ кунед ва барои ба ҷавобгарӣ кашидани ин афрод, ки боиси бистарӣ шудани писарам гардидаанд, кумак кунед”,-дар охири номааш хоҳиш кардааст Саидхон Азизхонов, сокини ноҳияи Ашт. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
