Суоли “Озодагон” аз мансабдорони тоҷик: Қаср доред?
Умед Давлатзод, муовини вазири рушди иқтисод
Ман чанд то хона дораму амволи дигар, инро декларатсия карда ба ҳукумат пешниҳод кардаам. Ман як ҳавлӣ дорам, ки дар давраи дар бонки тиҷоратӣ кор карданам, ба тариқи қарзӣ харида таҷҳизонидагиям ва баъди анҷоми он дар ҳамонҷо зиндагӣ дорам. Барои ман дача зарур нест вақте, ки ман ҳавлӣ дорам.
Ҳасаналӣ Карамалиев, муовини раиси палатаи Савдо ва саноат
Ман як хонаи дуҳуҷрагӣ дорам тамом ва дигар ҳеч чӣ надорам.
Маҳмадалӣ Ватанов, вакили парлумон
Ман як хона дорам, хонаи шахсӣ, хонаи хуб аст. Ман намедонам дигар қасру кушкаш чист?
Исмоил Талбаков, вакили парлумон
Ман як хона дорам ва онро ҳануз такмил накардам. Онро қарз гирифта сохтмон карда истодаам. Агар дача медоштам рафта ҳозир истироҳат мекардам.
Муҳаммад Эгамзод, корманди сафорати Тоҷикистон дар Русия
Ман ҳам дар Душанбе як хонаи 2 ҳуҷрагӣ дорам ва берун аз пойтахт чизи дигаре надорам.
Иззат Амон, раҳбари Иттиҳоди ҷавонони тоҷик дар Маскав
Ман як хонаи дуошёна дар шаҳр дораму як мошин. Дар маскав як хонаи дуҳуҷрагӣ дораму як мошину як офис. Дар душанбе хонаи дуошёнаи иборат аз 8 дар хона. 5 тояш дар табақаи 1, 3 тои дигараш дар табақаи 2 ва мошин низ дорам. Вале он ки вазир як хонаи дуҳуҷрагӣ дорад ҳеч кас бовар намекунад. Гуфтаи президент, ки қасру кушксозиро бас кунед ба мансабдорон таъсир надорад. Аллакай ҳама ҳама чизро сохта гирифтанд ва агар ҳам созанд ба номи худашон намесозанд. Ҳеч таъсире нахоҳад гузошт. Ин як худнамоишдиҳӣ буд, ки гӯиё ғами мардумро мехуранд.
Шариф Муллоев, устоди Донишгоҳи славянии Тоҷикистон
Банда дар зиндагии хеш ҳеч гоҳ аз паи сохтани қаср набуд ва намешавад. Инсон худ бояд огоҳ бошад, ин қаср ва кушкҳоро ба олами дигар намебарад. Банда дар ҳавлии хоксорона бо аҳли байт иқомат дорад. Ба фикри банда ба ҷои қасру кушкҳо иморатҳо барои мардум созанд ва бо нархи на он қадар гарон фурӯшанд ин кори неке ҳам дар ин дунё ҳам дар олами дигар мешавад. Чизи дигареро бигӯям, ки агар корхона ва ҷойхои кории бо маоши хуб таъмин шавад, шояд муҳоҷирони мо ба ватан ба назди хонавода баргарданд. Ин амалҳоро пиёда созанд беҳтарин мешавад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
