30 сен 2014 12:06Тоҷикистон / Дидгоҳи хос / Тема дня

Посухи Билайн ба Кумитаи забон: “Любой ҷо” қонунист!

Ширкати мобилии “Таком”, ки зери тамғаи Билайн фаъолият дорад, изҳор медорад, ки номи тарифи наваш “Любой ҷо” қонунӣ буда, муҳтавояш бо забони давлатии тоҷикӣ шарҳ дода шудааст.

Ин нуқтаро Билайн дар посух ба Кумитаи забон ва истилоҳот баён дошт, ки ба иддаои ин ниҳод номи тарифи “Любой ҷо” мухолифи қонуни Тоҷикистон дар бораи забони давлатӣ ва нақзи меъёрҳои забони адабӣ мебошад.

Мария Веторази, масъули робита бо ҷомеаи Билайн дар шарҳи “Любой ҷо” номгузорӣ шудани тариф ба “Озодагон” гуфт, ки он соддаю фаҳмо буда, дар омма васеъ истифода мешавад ва инчунин аз омилҳои шӯхӣ бархӯрдор аст: “Ин ном ба таври пурра моҳияти тарифи навамонро инъикос мекунад, ки дар он тамосҳо ба ҳамаи операторони мобилӣ нархи дастрас доранд. Баъдан ин номи сода, хотирмон ва дорои омилҳои ҳаҷв мебошад. Иттилооти таблиғотии тарифи “Любой ҷо” низ дар доираи қонунгузории Тоҷикистон мебошад, чун ба забони тоҷикӣ баён шудааст. Инчунин дар маводи таблиғотӣ маънои “Любой ҷо” шарҳ дода шудааст.”

Билайн таъкид мекунад, ки истифодаи калимаҳои ғайр дар тамоми ҷаҳон як меъёри маъмулӣ буда, аз ҷумла дар Тоҷикистон низ роиҷ аст.
Ин дар ҳолест, ки Кумитаи забони Тоҷикистон иддао дорад, ки Билайн мухолифи қонун дар бораи забони давлатӣ кор карда, ба ҷои номҳои тавсиядодаи ин ниҳод-“Ҳама ҷо” ва “Самти дилхоҳ” тарифашро “Любой ҷо” номгузорӣ кардааст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Узбек

Ahmad,
Сабабаш он аст, ки дар ин ширкат аксаран узбектаборҳо кор мекунанд. Бовар накунед, "проверка" кунед.

Ҷавоб диҳед Иқтибос Шикоят

саид

Ин тахкири забон аст.Ширкат бояд конунхои Точикистонро риоя. кунад.Э мардум гурури милли доред е не?

Ҷавоб диҳед Иқтибос Шикоят

Нушин

Дустони арчманд, хадаф аз реклама чалб намудани теъдоди бештари муштариён аст. Барои ин аз забони зинда истифода бурдан зарур аст. Айби Билайн нест, ки мо, хохару ака ва фарзандонамон хамаги "любой" мегуем. Бо "Билайн" чи мечангед? Аз худ ва атрофиён бояд талаб кунед.

Агар мо хамаамон ба чои любой бештар "х,ар" ва "дилхох"-ро истифода барем, Билайн хам аз инхо истифода хохад бурд. Лекин бо он ки Билайнро ба дилхох-гуи мачбур мекунем, фарзандонамон любой-гуиро бас намекунанд.

Ҷавоб диҳед Иқтибос Шикоят

Манижа

Насиб бошад мо ба наздики тарофаи "ХАРИ БАДАИ"-ро мебарорем.

Ҷавоб диҳед Иқтибос Шикоят

Модари точик

Дар ин давлат бо хар рох бо забони точики муборизаи ашадии пантуркистон рафта истодааст!

Ҷавоб диҳед Иқтибос Шикоят

Точик

Мария Веторази аз Билайн суханони "хайвонча" (яъне зур) гуфтааст. Худаш хам шояд духтари "тинч" бошад ба ин донишаш.

Ҷавоб диҳед Иқтибос Шикоят

Саидшо Шодавлатов

Салом бар хама хонандагони Озодагон.Баъдан фикри ман дар бораи тарифи "Любой чо"хамин аст,ки аввалан кормандони Билайн аз Кумитаи забони Точикистон мепурсид ,ки чи хел номгузори кунам.Ин аз руй одоб нест ин як бехурмати нисбати забони мо мебошад. Фикри шахсии ман хаминаст, ки кадом корхона ё фирмае ,ки нисбат ба забони мо бехурмати мекунад чарима баста шавад!

Ҷавоб диҳед Иқтибос Шикоят

Ковишгар

Прокуратураи генерали бо харфхои калон дар пеши бино навиштагӣ магар точикист?

Ҷавоб диҳед Иқтибос Шикоят

Муаллим

Ҳамон кумитаи забон номи худашро намебинад? Номи у низ тоҷикиву лотинист. "Любой ҷо" аз "кумитаи забон" дида хушнавотар аст! Э бесаводҳои кумитаи забон!

Ҷавоб диҳед Иқтибос Шикоят

Трабзонспорн

Вокеъан на миллат дорему на номуси милли,ин мардум ба хотири чор танга пул миллату забони моро ахмак карда гашта истодаанд.Кани нангу номуси милли!Дар кучо дидаед,ки любой чой точики бошад.Ин мардум аз бесохибии миллати точик ин корхоро анчом дода истодаанд.

Ҷавоб диҳед Иқтибос Шикоят

Эзоҳ илова кунед