12 авг 2015 14:39Тоҷикистон / Иҷтимоӣ / Рӯ ба рӯ / Видео / Тема дня

АКСУ ВИДЕО: Боздошти ҷавони тоҷик, ки бо як зарба раиси “фанат”-ҳоро беҳуш кард

Мақомоти умури дохилии вилояти Челябинск аз боздошти Комил Ҷамилов, зодаи 22-солаи Тоҷикистон, ки шаҳрвандии Русияро дорад, хабар доданд.

Тибқи иттилои манбаъ, Ҷамилов шаби 11 ба 12-уми август дар пайи амалиёти муштарак бо кормандони хадамоти федералии амният - “ФСБ” боздошт шуда, дар расондани зарари вазнини ҷисмонӣ ба Виталий Спиридонов, раҳбари ҳаракати мухлисони дастаи хокейи “Трактор”-и Челябинск айбдор мешавад.

Ба иттилои расонаҳои русӣ, қазия соати 4-и субҳи 4-уми август дар пеши майхонаи “Топка”-и Челябинск сурат гирифтааст: “Миёни мухлисони “Трактор” ва гуруҳи ҷавонон муноқиша сар задааст. Ҷонибҳо барои ҳалли қазия ба беруни майхона баромадаанд”.

Дар навори сабткардаи дурбинҳои майхона дида мешавад, ҷавони кулоҳпӯш, ки гуфта мешавад Ҷамилов аст бо як зарба Спиридонови 37-соларо аз пой меафтонад. Гуфта мешавад, баъди афтидан сари Спиридонов осеб дида, феълан дар беморхона бистарӣ мебошад. Расонаҳои русӣ мегӯянд, Ҷамилов дар Челябинск истиқомат дошта, муҳорибаҳои будину қоидаро машқ мекардааст.

Мақомоти умури дохилии Челябинск мегӯянд, тафтиши парванда аз рӯи ин ҳодиса идома дорад.

ВИДЕОИ МУНОҚИША:

Мӯҳр

Хабарҳои монанд:

ормон

Кучо шер аст, ки соати 4 сахар инаш хам аз майхона баромадааст?

Ҷавоб диҳед Иқтибос Шикоят

Бародар

Ин масъаларо сахт дидан даркор ки чи хел дида мебароянд дар кулоб чи кор шуд аз тарафи русхо мардум бетарафиро нагиред ин марди майдонро бояд дастгири кард охир хозир факат конунхои нонавишта бисёр дар русия амал мекунанд мо дар Душанбе хаки русро ту гуфтан надорем ку

Ҷавоб диҳед Иқтибос Шикоят

Юсуф

Бародар,
Аз оне ки "мо дар Душанбе русҳоро "ту" гуфта наметавонем, ин аввал айби ҳукумати Тоҷикистон, баъд айби худи халқи тоҷик аст. Мо русҳоро болои сар бардошта, аз онҳо эркатултутиё сохтем. Ҳамин аст, ки то ҳол онҳо дар Тоҷикистон худро аз тоҷикон баланд меҳисобанд, дар кӯю кӯча ва бозорҳо бо тоҷикон ҳануз ҳам русӣ ҳарф мезананд. Забони давлатиро эҳтиром намекунанд. Мардум бошанд, ба ҷойи онки ба онҳо тоҷикй ҷавоб диҳанд, росту дурӯғ канда-канда русӣ гап мезананд.

Ҷавоб диҳед Иқтибос Шикоят

дуст

Зур дар майдонб шумо хар хел гувурих реклама накунед. Зур дар майдони баромада номи точик мебардорад. На инки як лапух мезана худша кахрамон мегира. Аз дасти ана хамин гувурих точикхоро хама шум мебина. Боз падхалимхо рекламаш мекунанд.

Ҷавоб диҳед Иқтибос Шикоят

Farhod

Zarbai be ogohi,zarbai nomardist!!!!

Zarbai noguvor,nomardist!!!!

Ҷавоб диҳед Иқтибос Шикоят

Мухочир

Офарин!!!Хубш кади.

Ҷавоб диҳед Иқтибос Шикоят

Эзоҳ илова кунед