20 авг 2015 09:41Тоҷикистон / Дин ва зиндагӣ / CV / Рӯ ба рӯ

Тураҷонзода дар бораи қулфовезии ошиқон ва навхонадорон

Эшони Маҳмуд, руҳонии шинохтаи тоҷик ва яке аз бародарон Тураҷонзодаҳо амали бархе аз ҷавонону навхонадоронро, ки ба хотири пойдории ишқу муҳаббати худ ба якдигар қулферо муҳкам карда, калиди онро дур меандозанд, ғарбгароӣ ва хуруфот хондааст.

Ин руҳонии тоҷик дар посух ба суоли Акбар, корбари торнамои хонаводагии Тураҷонзодаҳо - Turajon.org, гуфтааст, “ин амал як навъ хурофот мебошад, ки ҳеч асоси шаръӣ надорад ва тақлид ба олами Ғарб аст, ки мутаассифона ҷавонони миллати мо кур-курона пайравӣ аз дигар миллат мекунанд”.

Эшони Маҳмуд аз он ибрози нигаронӣ кардааст, ки вақтҳои ахир баъзе аз нафарон пайравӣ аз паёмбару Худои худро канор гузошта, ба миллати ғайримусулмон пайравӣ мекунанд: “Ба зоҳири онҳо дода шуда онҳоро пешво ва қудваи худ қарор додаанд. Ҳарчиро онҳо писанданд, меписандад ва ҳарчиро бад гӯянд, бад мегӯянд”.

Ба гуфтаи ӯ, мусулмон бояд ба ҷои пайравӣ аз фисқу хуруфот ба илми мардуми Ғарб таваҷҷқҳ намояд: “Мусалмонҳо бояд бидонанд, ки илм марзу бум надорад ва асри тақаддуми технологӣ ба дин, урф ва анъанаҳои онҳо иртиботе надорад. Имрӯз, ки онҳо байрақбардори илм ҳастанд, пас аз онҳо илм бигиред, на фисқу фасоду хурофоташонро. Худо нигаҳбонатон бошад”.

Ин посухи Тураҷонзода дар ҳолест, ки ҳоло дар маркази шаҳри Душанбе барои овехтани қулфҳо сутуне қад афрохтаву ошиқон ва навхонадорон «барои як умр гарм мондани хонаи ишқу муҳаббати хеш» қулферо дар он овезон карда, калидашро дур мегузоранд.

Мӯҳр

Хабарҳои монанд:

rustam

Озодагон, чаро шумо шархи маро дар ин сомона чой надодед ? Пас шумо Озодагон нестед, Ноозодед. Хайфи вакти сарфкардаам !

Ҷавоб диҳед Иқтибос Шикоят

оксакол

анти-фанат,
Бародари азиз Аллох хидоятат кунад. Оё ту медони ки ширк чист? Ширк яъне ба Худо шарик овардан. Ягона гунохе ки дар Куръон Худованд намебахшам гуфтааст, ширк аст. Ана хамин куфландози ширк аст. Яъне хушбахти, саодат, мухаббат, ... хама чиз дар дасти Аллох аст. Чавононро дар рузи бунёди оилаашон мушрик карда истодаанд. Пас уламои дин сукутро ихтиёр кунанд? Аз номат маълум ки ту зиддидин хасти ё зидди уламои дин. Ту баринхо агар дар чомеа бисёр шаванд, никохи мард бо мард зан бо зан ичозат мешавад. Пеши Аллох тавба кун!

ХОКИМ,
Хокимчон ба ту дилам месузад ширкро хуб гуфта истодаи. Яъне бату саодатро аз куфл медонию аз калид. Афсус. Дар бораи ширк мутолеъа кун Хокимчон.

Ҷавоб диҳед Иқтибос Шикоят

Эзоҳ илова кунед