03 мар 2016 14:16Тоҷикистон / Тема дня

Убайдуллоев дар бораи нафрати мардум ба мансабдорон: Қонуншиканиҳоятонро мебинанд...

Маҳмадсаид Убайдуллоев, раиси Маҷлиси Миллии Тоҷикистон, дар ҳузури аъзои парлумон, вазирон ва раисони вилоятҳои кишвар аз нақзи қонун дар бораи танзими ҷашну маросим аз сӯи мансабдорони тоҷик суҳбат кард.

Тавре хабарнигори “Озодагон” аз ҷаласаи Маҷлиси Миллӣ иттилоъ дод, Убайдуллоев дар хитоб ба ҳозирин гуфт, “99 дарсади онҳое, ки қонуни танзимро вайрон мекунанд, мою шумо, ҳамин ҷо нишастаҳоем”.

Ба таъкиди Убайдуллоев, бештар қонуни танзимро мансабдорони воломақом нақз мекунанд ва мардум инро мебинад: “Вақте мардум мебинанд, ки мансабдорони воломақом қонунро риоя намекунанд, нафраташон меояд”.

Раиси Маҷлиси Миллӣ инчунин аз журналистони кишвар интиқод намуд, ки вақте як-ду одами ба истилоҳ бесоҳибро меёбанд, атрофашон зиёд менависанд, аммо аз ифшои қонуншиканиҳои мансабдорони воломақом метарсанд. Ӯ аз намояндагони ВАО даъват намуд, дар самти ифшои қонуншиканиҳои мансабдорон фаъол бошанду ҳолатҳои риоя нагардидани қонун аз ҷониби мансабдоронро ба мардум расонанд.

Маҳмадсаид Убайдуллоев дар хитоб ба Юсуф Раҳмон, додситони кулли Тоҷикистон таъкид кард, муборизаро барои ифшои қонуншикании мансабдорон, аз ҷумла риоя накардани қонун дар бораи танзими ҷашну маросимҳоро пурзӯр намояд.

Мӯҳр

Хабарҳои монанд:

Педагог

Бисёр хуб мешуд,дар шахр тафтишоти мактабу кудакистонхоро ба танзим дароварда мешуд.......маънояшро бояд фахмед.

Ҷавоб диҳед Иқтибос Шикоят

Алишер

Бо чашми бечорагон негох кардан даркор на ба чашми мансабдорони калон чи хел мардум азоб кашидааст

Ҷавоб диҳед Иқтибос Шикоят

Абдурахмон

Дар тули 23-соли хукумати Э.Рахмонов,шумо хамчун мири шахр хамкадаму хамнафаси онон будед! Наход,ки аз конуншиканихо дар доираи мансабдо рони ниходхои давлати,навакак огох шуда бошед?Ва е болобарии рейтингатон дар чомеъа,ба хотир расида? Лутфан бигуед,ки конуни "танзим",барои як миллати кашшоку камбагал,чун точик,ягон асоси вокеъи ва зарурате дорад? Ин хама,маколи бобогиамонро,ба ед меорад: "Бой ва е сарватманде туйи дабдабанок кард,муборак бошад! Камбагал кард,у аз кучо ефта бошад?Дар бораи озодбаени ва амнияти рузноманигорони точик, кафолати шумоен лозим аст! Сарбаланд бошед!

Ҷавоб диҳед Иқтибос Шикоят

Амин

Ба ташкилкунандагони маърака ва туйхо
--хохед ки туй орому тенч гузарад дар ресторан вай файи бепул ташкил кунед

Ҷавоб диҳед Иқтибос Шикоят

Эзоҳ илова кунед