27 окт 2016 13:27Тоҷикистон / Тема дня

“Корманди амният” дар қабулгоҳи раиси Кумитаи занон: Пота ба пои ма дароз накун

Гулӣ Зардова, рӯзноманигори тоҷик мегӯяд, имрӯз, 27 октябр дар қабулгоҳи раиси Кумитаи занон ва оилаи назди ҳукумати Тоҷикистон шоҳиди рафтори ношоями ҷавоне шудааст, ки худро "корманди амният" муаррифӣ мекард.

Хонум Зардова дар сафҳаи фейсбукаш навиштааст, ин ҷавон худро "корманди амният ва бачаи генерал Саидов" ном бурда, бо нишон додани ҳуҷҷати "муқоваи сурхдор" ба ҳозирин дод мезад: "Ӯ ба ҳозирин дод зада фармон медоду, нафасгирӣ намегузошт. Яке аз духтарон эътироз овард, вале ҷавон ба ӯ дӯғу пӯписа зада гуфт:
- Ту медони катии кӣ гап задестай!? Ма коркуни амниятм, фаҳмидӣ! Даркор шава ҳама кора мепартойю, қати ма мерай...!"

Ӯ дар идома менависад, ҷавони дигаре ин рафтори "корманди амният"-ро дида? аз духтарон пуштибонӣ кард: "Корманди амният ба ғазаб омада ӯро ба сӯҳбати як ба як даъват намуд. Аз авзову рафтор ва гуфтори ҳамин ҷавон, ки ҳар лаҳза ҳуҷҷаташ "удостоверенияаашро" бароварда ба рӯи одамон тиқонда, бале, маҳз тиқонда, ҳатто имконияти хондани ному насабашро намегузошт, аз даҳонаш хаф паридагӣ барин фоффофкунон ҳайтас мезад".

Гулӣ Зардова мегӯяд, дигар тоқат накард ва худро ба он ҷавон муаррифӣ кард: "Ӯ ба ман ким чӣ хел аз боло ба поён нигариста гуфт:
- Хай чӣ! Баъд чӣ!? Ма коркуни амниятум, ту хдта ба ма сарбасар накн!
Гумон макунед, ки ман инҷо ба хатои техникӣ роҳ додаам, не, айнан ҳарфзании ҷавонро овардаам. Вақте ӯ ғалғала бардошта, яке аз кормандони Кумитаро ба берун кашида бурданӣ шуд, камина аз қафояш баромада, насиҳат кардам.
Насиҳат он тараф истад, ки чизеро намедиду намешунид.
Ту медони ма киюм!?
Ма бачаи генерал Саидов ҳастм! Пота ба пои ма дароз накун...!"

Мақомоти Тоҷикистон то ҳол ин қазияро шарҳ надодаанд ва дар сурати дастрас шудани назари мақомот "Озодагон" онро дар зудтарин фурсат нашр мекунад.

Ин қазия дар ҳолест, ки қаблан мақомот аз ифшои чанд ҳолате хабар доданд, ки баъзе ашхос худро "корманди мақомот" ё хеши афроди воломақом муаррифӣ карда, ба қонуншиканию бетартибиҳо даст мезадаанд.

Боздошти “ҷияни Шукурҷон Зуҳуров”, “ёвари Азим Иброҳим” ва...

Боздошти писари тақаллубии Президент аз сӯи ниҳоди Р.Эмомалӣ

Акс аз саҳфаи фейсбуки Гулӣ Зардова

Мӯҳр

Хабарҳои монанд:

Муаллими ДМТ

Кадом одами боакл ба ин бовар мекунад. Хеч кас. Аз хама макомоте, ки чидди рафтор мекнад бо тамоми фаъолиятаташ ин Амнияти милли аст. Генерал Саидов хамсояи аст мебошад ва ман медонам писари у чандсола аст ва чи намуд дорад.

Ҷавоб диҳед Иқтибос Шикоят

Pari

дод аз дасти ин бачахои генерал. Ба наздики як нафар махлук худро ба ман чяни генерал Салихов гуфта тахдид карда ба худкуши оварда расонда буд. Аз руи бадрафтории ин махлук зиёни калон ба саломатиам расиду ин махлукро пишакашро касе пишт нагуфт

Ҷавоб диҳед Иқтибос Шикоят

Ҷаъма

Ба фикрум Гули Зар бачара хуб мешинохтааст суратша дастрас кардааст , мақола эҷод кардааст, як ҷизро намефаҳмам корхонаи Куумитаи занон аз кадом тарафи сурат боша

Ҷавоб диҳед Иқтибос Шикоят

Зарина Кенчаева

Ман гумон мекунам ин ягон нафари тасодуфист,ки мехохад ба номи амният ва Саидов зиён биёрад дигар чизе нест.

Ҷавоб диҳед Иқтибос Шикоят

Эзоҳ илова кунед