16 сен 2015 18:35Тоҷикистон / Сиёсат / Рӯ ба рӯ / Тема дня

Тасдиқи марги Назарзода ва Ҷунайдуллоҳ: Аз талаби халъи силоҳ то худкушии генерали фирорӣ

Мақомоти Тоҷикистон кушта шудани генерал Абдуҳалим Назарзода ва полковник Ҷунайдуллоҳ Умаровро дар Ромит тасдиқ карданд. Тавре манбаи муътамади “Озодагон” иттилоъ дод, наздикони Назарзода низ дар раванди шиносоии ҷасади генерали фирорь иштирок кардаанд.

Тасдиқи марги Назарзода ё "Ҳоҷӣ Ҳалим" дар ҳолест, ки дар бораи шеваи маҳви ӯ хабарҳои зиддунақиз нашр мешаванд. “Риа Новости” аз қавли як низомии гуруҳи “Алфа”, ки гӯиё дар безараргардонии "Ҳоҷӣ Ҳалим" иштирок доштааст, навишт: “Низомиёни “Алфа” шоми 15 сентябр ба гуруҳҳо тақсим шуда, ҷойи эҳтимолии Ҳоҷӣ Ҳалимро аз назар мегузаронданд. Ман бо шарикам ногаҳон ду нафар бо либоси низомиро дидем, ки бо таппончаи Макаров мусаллаҳ буданд ва талаб карданд, ки силоҳро гузорем. Аммо мо тавонистем аз автомат сӯяшон тирҳоямонро холӣ кунем, ки дар натиҷа ҳар дуяшон аз по афтиданд. Вақте наздик шудем ҳар дуяшонро мурда дарёфтем. Онҳоро шинохтем, ки Ҳоҷӣ Ҳалим ва Ҷунайдуллоҳ Умаров буданд”.

Аммо “ТоҷНюз” аз қавли сокинони маҳаллӣ хабар дод, ки "Ҳоҷӣ Ҳалим" бо гуруҳаш дар наздикии рустои Гускефи дараи Ромит дар муҳосира монда, худро парондаст.

Дар ҳамин ҳол, Вазорати умури дохилӣ ва Кумитаи давлатии амнияти миллӣ бо нашри як гузориш гуфтанд, баъди бенатиҷа анҷом ёфтани талоши мақомот барои таслимшавӣ, "зимни оташи ҷавобӣ, саркардагони гурӯҳи террористӣ Ҳоҷӣ Ҳалим Назарзода, Эшони Ҷунайд Умаров ва 10 нафар ҳаммаслакони онҳо нест карда шуданд. Теъдоди зиёди аслиҳа ва лавозимоти ҷангӣ мусодира гардид".

Инчунин гуфта мешавад, дар амалиёт алайҳи гуруҳи "Ҳоҷӣ Ҳалим" рӯзҳои 15 ва 16 сентябр 4 корманди мақомоти низомӣ, аз ҷумла полковник Рустам Амакиев, фармондеҳи гуруҳи “Алфа”-и Кумитаи давлатии амнияти миллии Тоҷикистон низ кушта шудааст.

Мӯҳр

Хабарҳои монанд:

Мехрдод

Худашонро куштан ё кушта шудани ин хоинон аз тарафи сохторхои кудрати барои мардуми буми як мантик дорад. Мухимаш ин ки ин гурух дигар нест ва дигар зиндагии осоиштаи мардуми Точикистонро халалдор намесозанд

Ин хоинон оташе, ки худ афрухта буданд, окибат дар он худ сухтанд. Хас каму чахон пок.

АЗ КУШТА ШУДАНИ ИН ГУРУХИ ЧИНОЯТКОР ХАФА НЕСТЕМ. АФСУСИ ОН БАРОДАРОНЕ, КИ АЗ ТИРИ ИН НОХАЛАФОН ИН ДУНЁРО ПАДРУД ГУФТААНД.

ОЗОДАГОН ХОХИШ МЕКУНЕМ, КИ САБТИ ВИДЕОИИ АМАЛИЁТИ СОХТОРХОИ КУДРАТИРО ДАР САХИФА ЧОЙ КУН. ТО МАРДУМ АЗ АМАЛИЁТИ ГУЗАРОНИДАШУДА ХУБТАР ОГОХ ШАВАНД

Ҷавоб диҳед Иқтибос Шикоят

АДОЛАТХОХ

Рахмат ба кормандони "Алфа"-и КДАМ ки миллати моро аз разилони бадхох тоза карданднд. Дар охир ба хамаи шахидоне, ки озодии мову шуморо таъмин намудаанд, аз даргохи Худованд талаби онро менамоем, ки чояшон чааннат бошаду рухашонро шоистаи рахмат гардонад, ОМИН.

Ҷавоб диҳед Иқтибос Шикоят

Фирдавс

Рухашон шод бод!

Ҷавоб диҳед Иқтибос Шикоят

Сарбози катори

Рустамчон ака рухатон шод бод!!! Мо хама дуогуи туем, ки дар хонаи охират рухатон шод бошад. Номи неки шумо дар дили мо абади зиндаву човид мемонад

Ҷавоб диҳед Иқтибос Шикоят

Сарбози катори

полковник Рустам Амакиев яке аз мардони содик ба Ватан, миллат буд, ки имруз номи уро хамаги ёд мекунанду ашки чашмон бари руз ва даруни калб мерезанд. Иншооллох чоят чаннат мегардад

Ҷавоб диҳед Иқтибос Шикоят

Гуля

расмхои кушташудаи Хочи Халим ва Чунайдуллоро нишон медодед.

Ҷавоб диҳед Иқтибос Шикоят

душанбе

Сарбози катори,
ай номи ХАМА гап назан. таърих баъди чанд дахсолахо боз чархофалак мегардад, сарбоз!

Ҷавоб диҳед Иқтибос Шикоят

Mavzun

Бехуда нагуфтаанд, ки харруз зи худ бипурс агар ту марди, ки имруз чи хизмате ба мардум карди. Ин гуфтахо барои чавонмардони ин миллат ки чони худро барои Ватан супориданд. Чояшон чаннат бошад

Ҷавоб диҳед Иқтибос Шикоят

Зулфия

Бояд Точикистониёни мо хеч гох кахрамонии ин марди часур Рустам Акаеевро ки чони худро дарег надошт харомуш насозанд. Чунки чунин часурон зиёд буданд вале имруз кариб ки фаромуш шудаанд ойлахои онхо дар кадом холат умр ба сар мебаранд. Акалан дар чанозаи у бояд вазирони мо иштирок мекарданд чунки кадри чунин чавононро ки надони пас дигар шермардон дилмонда мешаванд.Чун мебинем ки вазирон дар кайфу сафо мардбачахо пеш пеши чанг.

Ҷавоб диҳед Иқтибос Шикоят

Эзоҳ илова кунед