Бахшҳо
28 апр 2016 16:37Тоҷикистон / Рӯ ба рӯ

Шаҳноз: Нагузоштанд, ки дар назди Президент баромад кунам

Як ҷавондухтар аз ноҳияи Мастчоҳи вилояти Суғд мегӯяд, масъулини ноҳия ба ӯ иҷозаи суханронӣ дар назди раисиҷумҳур -- Эмомалӣ Раҳмонро надодаанд.

Шаҳнози Ниёзбоқӣ мегӯяд, қарор буд 23 марти соли равон дар чорабиниҳои наврӯзии шаҳраки Бӯстони маркази ноҳия, ки бо иштироки Эмомалӣ Раҳмон баргузор шуд, дар қатори дигар духтарон ӯ ҳам баромад мекард. Шаҳноз имрӯз, 28 апрел дар як суҳбати телефонӣ ба “Озодагон” гуфт, “чанд моҳ қабл аз сафари Президент омодагӣ гирифтем. Ба чашми худам дидам, ки дар рӯйхати пешниҳодшуда барои суханронӣ кардан, номи ман ҳаст, лекин баъдан онро аз феҳраст берун кардаанд”.

Ӯ гуфт, вақте барои фаҳмидани сабабҳои ин ҳолат ба ҳукумати ноҳия муроҷиат кард, барояш гуфтаанд, дар вилоят чунин тасмим гирифтаанд. “Назди раиси вилоят рафтам, гуфтанд, ки шуморо бори аввал мебинем ва рӯйхат аллакай пешниҳод шудааст”.

Шаҳноз афзуд, баъди ин аз ҳукумати ноҳия дархост кард, то сабаби аз рӯйхат гирифтани номашро хаттӣ шарҳ диҳанд: “Дар ҷавоби хаттӣ посух омад, ки барои баромад кардан дар назди Ҷаноби олӣ бояд симои ориёӣ, қомати баланду суханронии бурро дошта бошед”.

Дар мактуби хаттии ҳукумати ноҳияи Мастчоҳ, ки як нусхаи он ба дасти “Озодагон” ҳам расид ва зери он муовини раиси ноҳия Умарзода. З.В. имзо гузоштааст, гуфта мешавад, “дар озмуни баромад дар назди Президент зиёда 30 довталаб ширкат варзидаанд, ки аз ин танҳо 3 нафар гузашт”.

Шаҳноз Ниёзбоқӣ мегӯяд, баъди дарёфт кардани ҷавоби хаттӣ хоҳиш кард, ҳадди аққал ҳамчун иштирокчии қаторӣ вориди базмгоҳ шавад, аммо муваффақ нашуд. Ӯ иддао дорад, дар ҳукумати ноҳия гумон кардаанд, дар назди Президент аз кадом мушкили худ ҳарф мезанад, аз ин рӯ номашро аз рӯйхат берун карда, ҳатто иҷоза надодаанд, ки ба майдони баргузории чорабинӣ ворид шавад. Ин сокини ноҳияи Мастчоҳ бар ин аст, ки далели иҷозаи суханронӣ ва вуруд ба базмгоҳ наёфтанаш ин аст, ки соли 1998 ҳангоми исёни Маҳмуд Худойбердиев дар Суғд падари ӯ кушта шуд: "Дар ҳукумати ноҳия фикр кардаанд, ки ман дар назди Эмомалӣ Раҳмон аз марги падарам қисса мекунам. Вақти озмун шунидам, ки як намояндаи ҳукумат гуфтааст, ин духтар рӯзҳои сахтро дидааст, мабодо аз куштори падараш ҳарф назадад? Боз фикр мекардаанд, шояд ман аз Президент хонаи истиқоматӣ талаб мекунам”.

Аммо ин ҷавондухтар мегӯяд, ҳадафаш танҳо изҳори сипос ба Президент буду бас: “Соли 2007 вақте Ҷаноби олӣ ба ноҳияи мо омада буданд, аз он кас хоҳиш намудам, ки барои ман квотаи президентӣ ҷудо намоянд, то дар донишгоҳ таҳсил кунам. Хушбахтона ин хоҳиши маро дастгирӣ намуданд ва соли 2012 донишгоҳро хатм кардам. Мақсади ман аз суханронӣ ин навбат танҳо миннатдорӣ баён кардан буд”.

Нусхаи мактуби ҳукумати ноҳияи Мастчоҳ

Шаҳноз: Нагузоштанд, ки дар назди Президент баромад кунам

Мӯҳр
мухочир
Гусфанд назди гург ба додхохи меравад?... Донаи гавхар чи поши мурги арзанхораро?

Умарзода З.В.,
Ҳуб мешуд, ҷавобе ки худи шумо додаед копияро мемонед, шарҳдиҳандагон фаҳманд
Мардум бояд фаҳмад, кам нестанд афроде ки фикрҳои ғаразнок доранд, ба дасиса дода мешавард.

авторитет
Шаҳноз дилшикаста нашав аз симоят маълум, ки духтари дуруғгу нестӣ

даҳмарда
умарзода истеъфо деҳ

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)