Рустами Эмомалиро барои соли 2020 омода мекунанд?
Ба мақоми раиси Хадамоти гумрук таъин шудани Рустами Эмомалӣ, писари калонии раисиҷумҳури Тоҷикистон, баҳсу гумонҳоеро дар бораи ояндаи ӯ ба вуҷуд овардааст. Бисёриҳо ҳадс мезананд, Эмомалӣ Раҳмон писари калонияшро ба ҷои худ дар мақоми раёсати ҷумҳурӣ омода мекунад ва қадам ба қадам боло рафтани ӯ гувоҳи ин аст. “Озодагон” ин мавзӯъро бо коршиносон дар миён гузошт ва ин посухҳоро гирифт:
Иззат АМОН, раҳбари Иттиҳоди ҷавонони Русия:
“Оне, ки раисиҷумҳур фарзанди худро раҳбари як ниҳоди калидии кишвар, ки тақдири буҷаи мамлакат аз он вобастагӣ дорад таъин кардааст, мухолифи қонунҳои қабулшудаи Тоҷикистон мебошад. Дар ҳолати поймол кардани қонун Рустами Эмомалӣ шонсе барои раисҷумҳур шудан надорад ва ман низ дар ин сурат ҳеч гоҳ овозамро ба ӯ нахоҳам дод.”
Парвиз МУЛЛОҶОНОВ, сиёсатшинос:
“Бо кумаки баъзе аз сохторҳои ҳукуматӣ метавонанд ӯро ба сари кор оранд. Ин ки мардум ӯро хуш қабул хоҳанд кард, ё на вобаста аз он аст, ки дар он сол вазъияти иқтисодиву сиёсии Тоҷикистон дар кадом сатҳ қарор мегирад. Агар сатҳи зиндагии мардум хуб шавад, ин кор имкон дорад. Аммо агар бӯҳрони ҳозира боқӣ бимонад, мардум инро қабул нахоҳанд кард.”
Ҳикматуллоҳ САЙФУЛЛОҲЗОДА, сардабири “Наҷот”:
“Албатта, ҳар гуна таҳавулот ва тасмигириҳоеро дар низоми давлатдории элитаи феълӣ интизор шудан мумкин аст. Вале Рустами Эмомалӣ ба ҳеч сурат Эмомалии Раҳмон буда наметавонад. Вақт дигару суръати зиндагӣ дигар аст. Ӯ танҳо дар як ҳолат метавонад ҷойгузини падар бошад, он ҳам дар заминаи тасмими шахсии падар ва дигар кардани банди Конститсияи Тоҷикистон оид ба интихоби шахс ба мақоми президентӣ. Дар ҳама сурат дигар Рустами Эмомалӣ ба чунин симмат шарафёб гаштанаш ғайриимкон аст. Аслан шахс бовар карда ҳам наметавонад, ки ӯ дониши қобили мулоҳизае дорад, ё хайр, агарчи барои Тоҷикистони имрӯза дониш ҳам кадом арзише надорад.”
Файзиннисо ВОҲИДОВА, ҳуқуқдон:
“Аслан пешгӯӣ кардан кори хуб нест. Баъдан, тибқи Қонуни асосӣ дар соли 2020 синну соли Рустами Эмомалӣ барои пешбарии номзадӣ ба мақоми президент рост намеояд, чун ӯ ба синни 35-солагӣ намерасад. Ҳамчунин, то соли 2020 ҳоло дар пеш 7 сол аст, ки овоз додан ва ё надодан танҳо аз вазъи сиёсию иқтисодӣ ва натиҷаҳои ба дастовардаи ҳукумати кишвар бо сарварии Эмомалӣ Раҳмон рабт дорад. Яъне, ин маънои онро дорад, ки баъд аз 7 сол мебинем, то чи андоза вазъи мардум рӯ ба беҳбудӣ меорад ва оё номзад сазовори раъй додан аст, ё на.”
Умед ҶАЙҲОНӢ, коршинос:
“Аз ин ки раисҷумҳури Тоҷикистон писарашро гом ба гом ба маснади раёсат наздиктар мекунад, метавон гумон бурд, ки моил аст ӯро ҷонишинаш кунад. Бе раъйи ман ҳам раисаш мемонанд, вале набояд ба ин иҷоза дод. Ҳарчанд Ҳайдар Алиев низ писарашро бо ҳамин роҳ ба раёсати ҷумҳурии Озарбойҷон расонд.”
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
