07 дек 2013 10:27Тоҷикистон / Тағйироти кадрӣ / Сиёсат / Мусоҳибаҳо

Бобоназарова: "Наметавонам ҳукумати таъсисшударо ҳукумати нав гӯям"

Эмомалӣ Раҳмон, ки дар интихоботи 6 ноябри соли ҷорӣ барои чаҳорум бор пирӯзӣ ба даст овард, баъд аз адои савгандаш ба ташкили ҳукумати нав оғоз намуд. Мақомот мегӯянд, 60 дарсади ҳукумат нав шуда, синни миёнаи мансабдорон аз 56 ба 52 поин оварда шудааст. “Озодагон” аз соҳибназарон пурсид, оё аъзои ҳукумати нав онҳоро қонеъ мекунад, ё не?

Исмоил РАҲМАТОВ, сиёсатшинос:
“Дар бораи аъзои ҳукумате, ки нав ташкил шуда, мутахассисони 52-53-сола ҳам ҳастанд, чизе гуфта наметавонам. Онҳо бояд корро шурӯъ кунанд, баъд метавон мавқеъгирӣ намуд. Пас аз 2 ё 3 моҳ метавонем бигӯем, ки ин ҳукумат чӣ кор карда метавонаду вазирону раисон ба чӣ қодиранд. Фаъолияти кории онҳо ба фасли сармо рост омад. Ҳамин се моҳи аввал метавонад, натиҷаи фаъолияти минбаъдаи онҳо бошад. Акнун мо мебинем, ки вазири ҷадиди барқу об ба чӣ қодиранд. Фаъолияти ҳукумати тозатаъсис то баҳор алакай комилан ошкор мешавад.”

Ойниҳол БОБОНАЗАРОВА, ҳуқуқдон:
“Ин ҳукуматро, ки таъсис дода шуд, ҳукумати нав ҳам гуфта намешавад. Чунки дар он тақрибан ягон чеҳраи нав нест. Тамоми онҳо аз як мансаб ба мансаби дигар гузаштанд. Ман ягон мутахассиси навро намебинам. Ҳукумати ҷадид он вақте мегӯянд, ки дар он кадрҳои ҷадид ва ҷавон бо диди нав ворид шавад. Аммо ин ҳукумати феълӣ ҳукумати қаблие ҳаст, ки дар интихобот муваффақ нашуданд. Ман ҳоло чизе гуфта наметавонам, вале ба ҳар сурат ба фикри ман фаъолияти ин ҳукумат ҳам ба монанди ҳукумати қаблӣ мешавад. Бо иваз шудани чанд насаб ман наметавонам бигӯям, ки ҳукумати мо дигар шуд.”

Абдуқаюми ҚАЮМЗОД, журналист:
“Ҳукумат ба фаъолияти худ шурӯъ кард ва қобили дастгирӣ ҳаст, ки баъзе аз кадрҳои ҷавон дар ҳукумати навбатӣ ҷамъ шуданд. Дар умум, пешрафт ва рушди ҳукумати Тоҷикистон бештар аз раиси ҳукумати кишвар вобастагӣ дорад. То ҷое медонем, ҳама руасову вузарои мо ҳеч масъаларо дар танҳоӣ ҳал намекунанд. Онҳо бидуни иҷоза ва ё ишора аз боло ба коре даст намезананд. Албатта, дар бисёр маврид ин аз шахсияти руасову вазирон ҳам вобаста ҳаст, ки то куҷо онҳо метавонанд раисиҷумҳурро барои тағйироте мутақоид созанд. Аммо мо медонем, ки вузарову раисони мо на барои манфиати ҷомеа, балки бештар барои розӣ кардани раисиҷумҳур фаъолият мекунанд. Ман зиёд хушбин нестам, ки раисону вазирони мо тавонанд дар ин марҳила коре ва ё ақидаи худро татбиқ намоянд. Баъзе кадрҳое дар ҳукумат омаданд, ки дар ҳамон бахши таъиншудаашон соате кор накардаанд то ин замон. Ба сифати далел аз ҳамин вазири ҷадиди молия метавонем мисол орем. Бо ин гуна меъёрҳои интихоби кадрҳо натиҷаи мусбатро интизор шуданд номумкин аст.”

Мӯҳр

Хабарҳои монанд:

muhojir

Ba gufti shumo boyad student donishgohro khatm kunadu roost ba kursii vaziri bioyad hoo? ajab korshinose.

Ҷавоб диҳед Иқтибос Шикоят

илхом

кадрхои хуб гуфта шумо киро мегуед ё худро дар назар доред О .Бобоназарова

Ҷавоб диҳед Иқтибос Шикоят

Адл Душанбе

Хайронам, ки вобаста ба хама холатхо вактхои охир рузноманигорон хатман андешаи О.Бобоназароваро меоранд. Чи магар ба гайр аз у дигар андешаи солим надоранд.

Ҷавоб диҳед Иқтибос Шикоят

kurbon

salom aleykum.Man mexoham ki da TJ vaziron az sini 30 solagi taid shavad biguzor bad az xatmi univer 7,8 sol korkunad tajriba omuzad.Hukumati nav 60% ne vu 100% aliw wavad,joiivazkunai nashavad,bigzor harkas az rui kasbi xud kor kunad.sini miyonai mansabdoron 52 sola ne vu balki ba 40-45 sola rost oyad baroi on ki kadrhoi nav az dunyo baxabarand.maoshi mualimon,duxturon,milisaho bardowta shavad.limiti barkro hakalan 15 soat kunad,zavodhoi nav kuwoda muhojironro bargardonand har hafta 10 murda miorand az russia.

Ҷавоб диҳед Иқтибос Шикоят

tojik

hama pironro giriftan boz chi mexohed?.charo in bobonazarova gap mezanad?in ki ast ki?digar korshinosu siyosatshinos nest dar mo?

Ҷавоб диҳед Иқтибос Шикоят

xujandi

eee gum kuned hamin zani komunistaaa..nav az komunisthoi pir xalos shudesem.

Ҷавоб диҳед Иқтибос Шикоят

Ватандуст

Ҳаминки вазифа нарасид аз бахилира дигар намедонанд чи кор кунанд, агар ба инҳоам вазифа мерасид намегуфтанд, ки Ҳукумати нав аст ё куҳнааст парво надоштанд. Инҳо Ҳуқуқдону сиёсатшинос нестанд балки иғвоандозон мебошанд, ки мехоҳанд як бори дигар ҷанги шаҳрвандиро ташкил кунанд.

Ҷавоб диҳед Иқтибос Шикоят

Эзоҳ илова кунед