Ричард Ҷонсро бо Эмомалӣ Раҳмон шинос карданд
Эмомалӣ Раҳмон, раисиҷумҳури Тоҷикистон, имрӯз, 28-уми январ, дар доираи мулоқот бо мудири Бонки аврупоии таҷдид ва рушд оид ба Осиёи Марказӣ, Масару Хонма, инчунин бо намояндаи нави доимии ин Бонк дар Тоҷикистон Ричард Ҷонс, шинос шудааст.
Тибқи иттилои дафтари матбуоти раисиҷумҳури Тоҷикистон, зимни мулоқот бо намояндагони БАТР зикр гардид, ки тайи солҳои ҳамкорӣ миёни Тоҷикистон ва ин бонк ба маблағи умумии 400 миллион доллари амрикоӣ созишномаҳо ба имзо расидаанд: “Ҳоло 7 лоиҳаи муштараки сармоягузорӣ амалӣ мегардад, маблағи умумии онҳо беш аз 112 миллион доллари амрикоӣ мебошад.”
Ба иттилои манбаъ ҷонибҳо таъкид кардаанд, ки минбаъд имкон дорад, дар бахшҳои энергетика, нақлиёт, роҳсозӣ, кишоварзӣ ва коркарди саноатии маҳсулоти ин соҳа, обрасонӣ, дастгирии бахши хусусӣ ва ғайра ҳамкорӣ густариш ёбад.
Ричард Ҷонс, намояндаи нави доимии Бонки аврупоии таҷдид ва рушд дар Тоҷикистон баъди муаррифияш ба Эмомалӣ Раҳмон ба хабарнигорон гуфт, назару баҳогузории Эмомалӣ Раҳмон ба сатҳи ҳамкориҳои Тоҷикистону БАТР ӯро барои тавсеаи ҳамкориҳо ҳавасманд намуд. То ҳол ба ҳайси намояндаи доимии БАТР дар Тоҷикистон Улф Ҳинстрон ифои вазифа мекард.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |