03 фев 2014 10:16Тоҷикистон / Иқтисодӣ / Акс / Видео

Азсаргирии кори фурудгоҳ дар пайи сардиҳо ва норозигии мусофирон (АКСУ ВИДЕО)

Кори фурудгоҳи байналмилалии шаҳри Душанбе, ки дар пайи сардии ҳаво мутаваққиф шуда буд, баъд аз зӯҳри 3 феврал аз сар гирифта шуд. Муҳаммадюсуф Шодиев, сухангӯи фурудгоҳи байналмилалӣ, дар сӯҳбат бо “Озодагон” гуфт, ҳоло фурудгоҳ барои қабулу гусели ҳавопаймоҳо омода аст ва то кунун парвозҳо аз пойтахти Тоҷикистон ба самти Маскаву Самара ва Сургут анҷом шудааст.

Ин дар ҳолест, ки фурудгоҳи байналмилалии Душанбе дар пайи барфрезии шадид парвозу нишасти ҳавопаймоҳоро аз бегоҳи 2 феврал мутаваққиф карда буд, ки дар натиҷа садҳо мусофир саргардон монда буданд. Қаблан торнамои расмии фурудгоҳ навишта буд, ки ҳудуди 20 парвозу нишасти тайёраҳо дар хатсайрҳои гуногун ба таъхир гузошта шудааст.

Хабарнигори “Озодагон” субҳи севуми феврал аз фурудгоҳ хабар дод, ки толори интизории мусофирон пур буда, бархе дар фаршҳо нишастаанд. Мусофирон аз он шикоят кардаанд, ки масъулини ширкатҳои ҳавопаймоӣ ҳатто аз ҳоли онҳо хабар нагирифта ва ё пешакӣ онҳоро аз мутаваққиф шудани парвозҳо огоҳ накардаанд.

Мансур Назаров, ки барои хатсайри Душанбе-Самара аз ширкати “Уралские авиалинии” билет гирифтаасту бояд соати 20:00-и 2 феврал парвоз мекард, дар суҳбат бо “Озодагон” гуфт, аз соати 18:00-и дирӯз дар фурудгоҳ қарор дорад. Ӯ изҳор дошт, натанҳо ӯ, балки занон низ шабро дар сардӣ рӯз карданд, чун бисёрашон аз навоҳӣ омадаанду ҷое барои рафтан надоранд.

Дар ҳамин ҳол, Рустам Холиқов, раиси фурудгоҳи байналмилалии Душанбе, дар суҳбат бо хабарнигорон таъкид намуд, аз соати 12:00-и 3 феврал қабулу гусели тайёраҳоро аз сар мегиранд: "Ҳозир тамоми нерӯро барои тоза намудани хатти парвозу нишаст равона кардаем." Ӯ ба шароити тоқатфарсои мусофирон дахл карда, изҳор дошт, ки ширкатҳои ҳавоӣ дар сурати таъхири беш аз 6 соат уҳдадоранд муштариёни худро бо ғизою шароити зарурӣ таъмин кунанд.

Холиқов афзуд, феълан намояндагони ширкатҳои ҳавоиро даъват кардааст, то ба мизоҷонашон кумак кунанд. Раиси фурудгоҳ дар идома гуфт, аз чунин ҳолатҳо, ки ба далели номусоидии боду ҳаво сурат мегиранд, фурудгоҳ ҳудуди 20 ҳазор доллари амрикоӣ дар як шабонарӯз зарар мебинад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Вип зал

Акои рустамба гап нестай, кор мекна бинен, ки хатто галструк набастай чиста рабочий форма.

Ҷавоб диҳед Иқтибос Шикоят

Аша

Шармандаги! 1солба 1вор барф меборад хаваям тоза кардан наметавонад. хайрият мисли Русия харруз барф нест. Набошад Точикистон банкрот мешуд. Хотя итак банкрот. Ну черт с вами.

Ҷавоб диҳед Иқтибос Шикоят

Esfandiyor

Kishvare ki koni namak dorad, nametavonad mushkiloti FURUDGOH-ro hal kunad.

Ҷавоб диҳед Иқтибос Шикоят

мухочир

дар як итревиюаш рохбари фурудгох гуфта буд ки мо метавонем дар якруз чан ресро ба хоричи кишвар зиёд кунем куватамон мерасад гуфта буд, амо имруз мебинем ки то кадом андоза куваташо мерасидааст барой муштариён хато чой нишаст надоранд амо гап мезананд гуё бо хама шаройтхо мухаёст фуруд гох!!! хай хай шармандагист ин хама.

Ҷавоб диҳед Иқтибос Шикоят

хато диспечрхо телефонхоро чавоб намедихан ки мусофирон бар хонаи худ бар гарданд то аз ресхои худ бохабар бошан

Ҷавоб диҳед Иқтибос Шикоят

Эзоҳ илова кунед