Шабдолов: “Бадахшониҳо пешниҳоди Сӯҳроб Шарифовро қабул намекунанд”
Шодӣ Шабдолов, раиси Ҳизби коммунист ва вакили Маҷлиси Намояндагон, дар вокуниш ба ҳарфҳои Сӯҳроб Шарифов баргузории раъйпурсӣ ва иваз кардани сохтори давлатдории Тоҷикистонро беасос донист. Ҷаноби Шарифов рӯзи 4 март дар сӯҳбат бо “Озодагон” гуфта буд, “Тоҷикистон дар системаи унитариву автономӣ бояд ислоҳот гузаронад ва танҳо ноҳияву марказ вуҷуд дошта бошад, бас.”
Раиси Ҳизби коммунисти Тоҷикистон мегӯяд, ҳатто дар сурати баргузории ҳамапурсӣ касе аз суханҳо ва пешниҳоди ҳамкораш - Сӯҳроб Шарифовро дар мавриди барҳам додани вилоятҳо, пуштибонӣ нахоҳад кард. “Мутмаинам, ки пешниҳодро дар Бадахшон сад дарсад рад мекунанд. Ҳатто дар вилоятҳои Суғду Хатлон ҳам бар зидди он хоҳанд буд. Агарчӣ онҳо вилоятҳои маъмурӣ-иқтисодӣ ҳастанд, аммо бар зидди ин пешниҳод мебароянд”,-афзуд ӯ.
Шодӣ Шабдолов илова кард, “ҳеч имкон надорад як сокини ноҳияи Мурғоб барои расондани шикояти худ 900 километрро тай карда, ба марказ биёяд. Мардуми тоҷик аз воқеаҳои солҳои 90-ум бохабар аст ва он таҷрибаи талхи кӯшиши ҷудошавии шимол аз марказро дар ёд дорад. Мо дидем, ки талоши Суғд барои ҷудо шудан аз марказ бо чӣ анҷом ёфт. Дар натиҷа кашмакашиҳои зиёд шуда, бесарусомонӣ шуд.”
Ин вакили парлумони Тоҷикистон аз он изҳори нигаронӣ мекунад, ки дар ин авохир баъзе аз коршиносон пешниҳодҳои, ба қавли ӯ, бемантиқ ва сафсатаро дар миён мегузоранд. Ба гунаи мисол ӯ аз пешниҳоди коршиносон дар мавриди таъсиси Бадахшони бузург ном гирифт. “Як андешаи бемаънои дигар. Чӣ гуна садҳо километрро тағйир бидиҳему дар хоки Афғонистон аз ҳисоби хоки Тоҷикистон “Бадахашони бузург” созем? Ман намефаҳмам ин гуна фикрҳо аз куҷо пайдо мешавад”,-таъкид дошт Шабдолов. ПЕШНИҲОДИ СӮҲРОБ ШАРИФОВВОКУНИШИ ШОКИРҶОН ҲАКИМОВ Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |