11 апр 2014 11:25Тоҷикистон / Иҷтимоӣ

"Облава" дар Душанбе... баъд аз супориши президент

Як сокини ноҳияи Шӯрообод дар шаҳри Душанбе ҳадафи “облава” қарор гирифта, нисфи рӯзро дар комиссириати ҳарбии ноҳияи Синои пойтахт паси сар кардааст.

Ин ҷавон, ки нахост, номаш ифшо шавад, дар суҳбат бо "Озодагон" гуфт, ӯро рӯзи 8 апрел дар назди фабрикаи “Ширин”-и Душанбе як гурӯҳи 6-нафарӣ бо либоси мулкӣ боздошта, маҷбуран савори мусофирбари тамғаи “Хундай” кардаанд. “Маҷбурӣ дохили мошин дароварда, ба комиссариати ҳарбии ноҳияи Сино бурданд. Гуфтам, ман 5 сол донишгоҳ хондаам, маълумоти олӣ дорам ва синнам аз хизмати ҳарбӣ гузаштааст. Таъкид кардам, ки фармони президент аст, бояд облава набошад. Аммо ба гапҳои ман аҳамият надоданд. Танҳо баъд аз нисфирӯзӣ, вақте фаҳмиданд, воқеан синни ман аз хидмати ҳарбӣ гузаштааст, раҳо карданд. Он ҷо мегуфтанд, фармони раис аст, ки бояд нақша саривақт иҷро шавад”,-нақл кард мусоҳиби мо.

Шикояти ин сокини ҷавони Шӯрообод аз “облава” ва он ҳам дар шаҳри Душанбе дар ҳолест, ки Эмомалӣ Раҳмон -- раисиҷумҳури Тоҷикистон супориш дода буд, аз усулҳои ғайриқонунии ҷалби наваскарон ҷилавгирӣ шавад ва ҷавонон тариқи тарғиби ватандустӣ ба хидмати ҳарбӣ оянд. Фаридун Маҳмадалиев, сухангӯи Вазорати дифои Тоҷикистон, низ дар пайи нашри фармони Эмомалӣ Раҳмон, раисиҷумҳури Тоҷикистон дар бораи даъвати баҳории наваскарон гуфт, ин раванд тибқи талаботи қонунҳои кишвар сурат мегирад ва “облава” намешавад.

“Чунин мафҳум умуман дар қонунгузории кишвар вуҷуд надорад”,-афзуда буд ӯ. Маҳмадалиев таъкид карда буд, он ҳама гуфтугузорҳои қаблӣ, ки гӯиё дар гузашта аз роҳҳои ғайриқонунӣ барои ҷалби наваскарон истифода мешудаанд, беасосанд ва далели мушаххасе вуҷуд надорад.

Мӯҳр

Хабарҳои монанд:

Рафик

Фаридун Махмадалиев оё ин маколахоро мехонда бошад?

Ҷавоб диҳед Иқтибос Шикоят

Саид

Фаридун Махмадалиев шайтонихам хаду канор доштагист! Наход мардак шуда дидаву дониста ДУрУГгуйи?????

Ҷавоб диҳед Иқтибос Шикоят

Воизон, к-ин ҷилва дар меҳробу минбар мекунанд,
Чун ба хилват мераванду кори дигар мекунанд.

Ҷавоб диҳед Иқтибос Шикоят

0102

шарм намедори акаи Махмадали дуруги махз мегуи обуруи надоштаатро хам мерезони

Ҷавоб диҳед Иқтибос Шикоят

Андеша

Ин корро давом дода истодаанд. Инҳо шояд Президенти кишварро мехоҳад нишон диҳанд, ки гапаш дар кишвар гирифта намешавад. Вагарна то ҳоли ҳозир аз тариқи "ОБЛАВА" "НОМАРДИ ВА ХОР КАРДАНИ МИЛЛАТ" бисёр ҷавонон ба хидмати аскари равона карда шудаанд. Ин ҷавонон баъди гуфтаи Президент ва қонуншикании Вазорати дифоъ дар қалбаш чи ангезае пайдо мешуда бошад? Инро бояд ба донишмандони психолог ва ҷомеъашинос матраҳ намуд то онҳо назари худро гуянд. Дар мавзуъ метавонед муҳтарам масъулини "Озодагон" мизи гирде аз мутахассисон ташкил кунед ва инчунин назарчанҷиҳе ҳам гузаронед, бисёр бамаврид мебуд. То обрӯи миллат нигаҳ дошта мешуд.

Ҷавоб диҳед Иқтибос Шикоят

Парвиз

Боз якхелаш мегуяд ки Президент шухи карда буд.

Ҷавоб диҳед Иқтибос Шикоят

sador

oblava nashavad armiya be soldat memona...

Ҷавоб диҳед Иқтибос Шикоят

Эзоҳ илова кунед