Боздошти як наҳзатӣ ба гумони “порадиҳӣ” дар Исфара
Абдуманнон Содиқов, раиси ташкилоти ибтидоии Ҳизби наҳзати исломии Тоҷикистон дар деҳаи Сурхи ноҳияи Исфара, аз сӯи маъмурини пулис боздошт шудааст.
Тибқи иттилои дафтари матбуотии ҲНИТ, Содиқов дар пешниҳод кардани маблағ ҳамчун ришва ба мақомоти умури дохилии ноҳияи Исфара муттаҳам мешавад. Манбаъ мегӯяд, раиси ташкилоти ибтидоии ҲНИТ дар деҳаи Сурхи Исфара гӯиё ба Салим Отаев, сардори шуъбаи умури дохилии ин ноҳия дар ҳаҷми 2 ҳазору 500 рубли русӣ ришва пешниҳод кардааст. Аммо то ҳол мақомоти расмӣ дар ин бора изҳори назар накарда, ҳам ангуфтаанд, ки иллати боздошти Абдуманнон Содиқов чист.
Вале масъулини ҲНИТ боздошти Содиқовро нақшаи тарҳрезишуда хонда мегӯянд, ӯ маҳз таҳти роҳнамоии маъмурини пулис ба Отаев маблағ пешниҳод кардааст: “Содиқов аз сӯи кормандони Шӯъбаи минтақавии Раёсати мубориза алайҳи ҷиноятҳои муташаккили Вазорати умури дохилӣ дар вилояти Суғд даъват шуда, бо ӯ дар бораи содир шудани кадом камбудии ҳуқуқӣ суҳбат мешавад. Сипас, ба ӯ машварат дода мешавад, ки барои раҳоӣ аз ин мушкил бояд маблағеро ба сардори ниҳоди мазкур дар Исфара Салим Отаев бидиҳад.”
Ба қавли масъулини ҲНИТ, Содиқовро ҳангоми иҷрои “тавсия”-и маъмурини пулис барои додани ришва боздошт мекунанд. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |