22 апр 2014 14:35Тоҷикистон / Иҷтимоӣ
Марги Акмали 19-сола, сарбози нерӯҳои марзбонӣ, дар Мастчоҳ
Бино ба гуфтаи мусоҳиби мо, Акмал моҳи октябри соли гузашта иҷборан ба хидмати Артиш рафта будааст. Ӯ афзуд, “ман дар Русия дар муҳоҷирати корӣ будам ва ҳангоме ба кишвар омадам, алакай фарзандамро “облава” карда буданд. Он вақт ҳамагӣ даҳ дақиқа имкон буд, ки ӯро бубуинаму сӯҳбат кунам. Бисёр мехостам, ба маросими қасамёдкунияш биравам. Вале писарам гуфт, роҳ дур асту овора нашавед.”
Ҷасади Акмалро рӯзи 18 апрел ба хонаашон дар ноҳияи Ҳамадонӣ оварда гуфтаанд, ӯ як рӯз пеш ба далели банд мондани нон дар гулӯяш фавтидааст. Аъзам Давлатов мегӯяд, ҷасади писари ғӯрамаргашро рӯзи 19 апрел ба хок супоридаанд.
Давлатов мегӯяд, Акмал дар яке аз қисмҳои низомии Қушӯнҳои сарҳадии Тоҷикистон дар Мастчоҳ адои хидмат мекард ва ҳамагӣ ду рӯз пеш аз марги писараш бо ӯ сӯҳбат дошт ва зоҳиран вазъияташ ҳам хуб буд. Танҳо чизе ки, мегӯяд Давлатов, ӯро мушавваш кардааст, ин аст, ки писараш чанд вақти пеш аз қисми низомии қаблияш ба ҷои дигар интиқол ёфта буд. “Фикр мекунам, шояд ӯро ба ҳайси одами нав қабул карда, азият дода бошанд”,-мегӯяд ӯ.
Раёсати Қушӯнҳои сарҳадии Тоҷикистон то кунун дар ин бора расман изҳори назар накардааст. Падари Акмал мегӯяд, агарчӣ ба хулосаи табибон дар бораи марги писараш розӣ нест, вале ба ҳеч ваҷҳ ба ташхиси такрории ҷасади ӯ ризоият нахоҳад дод. Ӯ гуфт, танҳо аз мақомот мехоҳад, то ин қазияро ба сари сарбозони дигар наоранд. “Намехоҳам дар ин рӯзҳои гарм ӯ аз гӯр берун оварда шавад. Аслан инро намехоҳам. Вале мехоҳам, то чунин амалро нисбат ба фарзандони дигар раво набинанд”,-таъкид дошт ӯ.
Дар тӯли ду моҳи охир ин барои бори дувум аст, ки номи Қушӯнҳои сарҳадии Тоҷикистон дар пайи фавт ва латту кӯб шудани сарбозонаш расонаӣ мегардад. Қаблан, Шаҳбол Мирзоев, як сарбози нерӯҳои марзбонӣ, бо гардани шикаста ва сутунмӯҳраи осебдидааш ба бемористон интиқол ёфта, то ҳол мунтазири ҷарроҳияш нишастааст. Ҳарчанд мақомот гуфтанд, дар пайи гӯштигирӣ Шаҳбол ба ин ҳол уфтодааст, вале худи ӯ мегӯяд, фелдшер Усмон Ғайратов вайро чунин маъюб кард. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
