29 апр 2014 12:01Оcиёи Марказӣ / Тоҷикистон

Вазорати дифоъ мегӯяд, 73%-и нақшаи даъвати баҳорӣ иҷро шудааст

Вазорати дифои Тоҷикистон аз иҷрои 73 дарсади нақшаи баҳории давъвати ҷавонон ба сафи артиши кишвар хабар медиҳад. Тавре масъулони ин иниҳод гуфтанд, дар давоми 25 рӯзи даъвати ҷавонон ба хидмати ҳарбӣ дар иҷрои нақшаи мазкур комиссариатҳои шаҳру навоҳии вилояти Хатлон ва Куҳистони Бадахшон фаъол мебошанд.

Ба иттилои манбаъ, “беш аз 10 шаҳру навоҳии вилояти Хатлон, 6 ноҳияи Вилояти Мухтори Кӯҳистони Бадахшон ва ду комиссариати ҳарбии ноҳияҳои тобеи марказ ба пуррагӣ аз иҷрои нақша баромаданд.” Масъулини Вазорати дифоъ иброз медоранд, ноҳияи Носири Хусрав ва Мурғоб аввалин шуда аз иҷрои нақша хабар дода дар вилояти Суғд 54%, дар комиссариатҳои ҳарбии ноҳияҳои тобеи марказ 73% ва дар чаҳор навоҳии пойтахт беш аз 60 дарсад нақшаи баҳории даъвати ҷавонон ба сафи қувваҳои мусаллаҳи Тоҷикистон иҷро гардидааст.

Гуфта мешавад, интизор мерафт, нақшаи баҳории имсолаи даъвати ҷавонон ба сафи артиш аз солҳои қаблӣ ба куллӣ фарқ карда, бар асоси дастури раисиҷумҳури Тоҷикистон бояд аз роҳҳои қонунӣ кор гирифта мешуд. Эмомалӣ Раҳмон, раисиҷумҳури Тоҷикистон, ахиран батакрор барои аз байн бурдани "облава" таъкид карда, ҳатто дар робита ба манъи роҳҳои ғайриқонунии ҷалби ҷавонон ба сафи артиш дастур дода ва барои иҷрои ин дастури худ комиссияи даъват ҳам ташкил карда буд.

Вале бо ин ҳол ҳанӯз ҳолатҳои “облава”-и ҷавонон аз сӯи афроди либоси мулкӣ ба бар дошта мушоҳида мешавад. Ахиран Радиои “Озодӣ” аз маъюб шудани ҷавони тоҷик дар пайи облава дар шимоли кишвар хабар дода, гуфта буд, “ташхиси пизишкони беморхонаи вилоятӣ дар Хуҷанд рӯшан кардааст, ду устухони сутунмӯҳраи Хушнуд Исомиддинови 23-сола, ҳини фирор аз «облава» ва уфтодан аз ошёнаи чаҳорум, шикастааст.”

Мӯҳр

Хабарҳои монанд:

Миргиёс

хамин накшаи даъвати бахори ки 73 % гуфта истодаанд ман бовари дорам бо усули кухнаи гайриконуни яъне бо рохи облава бо ичро расонида шудаги мебошад

Ҷавоб диҳед Иқтибос Шикоят

Малика

Рост мегуи Миргиёс, бо усули кухнаю гайриконуни. Зеро бо усули мукаррари, кам дар ками чавонон ба хизмат мераванд. Як чавони ихтиёран ба хизмат рафта Шахбол Мирзоев буд, ки окибат гарданаш шикасту маъюб гардид. Яъне агар пеш мегуфтанд, ки артиш чавонписарро "мепазонад", пас холо бочуръатона метавон гуфт, ки артиши имруза чавонписарро "мешиканад".

Ҷавоб диҳед Иқтибос Шикоят

сино

Вакто ки сухани призидент дар макомот ягон кадр надошта бошад чи лозим???

Ҷавоб диҳед Иқтибос Шикоят

Эзоҳ илова кунед