“Мусодира”-и ҳуҷҷатҳои ҲНИТ дар Спитамен аз сӯи афроди номаълум
Масъулини дафтари Ҳизби наҳзати исломии Тоҷикистон дар ноҳияи Спитамени вилояти Суғд аз дубора баста шудани дарҳои утоқи худ, ки дар бинои корхонаи воҳиди давлатии "Видео ва кино"-и ин минтақа ҷойгир аст, шикоят доранд. Илҳом Ёқубов, раиси дафтари ҲНИТ дар Суғд, рӯзи 10 май дар суҳбат бо “Озодагон” гуфт, қуфли дари утоқҳои қароргоҳи ҳизб аз сӯи афроди номаълум иваз карда шуда, онҳо наметавонанд, вориди дафтар шаванд.
Мусоҳиби мо аз он изҳорӣ нигаронӣ дорад, ки дари дафтари онҳо аз сӯи афроди номаълум қуфл шуда, тамоми ҳуҷҷатҳои ҳизб дар дохил мондаанду онҳо дастрасӣ надоранд: “Тамоми ҳуҷҷатҳо хеле бароямон зарур аст, ки дар қароргоҳ буданд, аз тарафи ин шахсон мусодира шудааст.” Дари дафтари ноҳиявии ҲНИТ дар Спитамен бори аввал нест, ки баста мешавад. Ахиран дар пайи ташрифи кормандони Хадамоти оташнишонии вилояти Суғд низ дарҳои бинои Корхонаи воҳиди давлатии "Видео ва кино"-и Спитамен баста шуда буданд. Вале баъд аз муроҷиати ба такрори масъулини ҲНИТ ба мақомот дубора боз карда шуд.
Илҳом Ёқубов, раиси дафтари ҲНИТ дар вилояти Суғд дари дафтари онҳо дар Спитамен дар ҳоле батакрор баста мешавад, ки онҳо маблағи иҷораи дафтари худро то 5 соли дигар пешпардохт кардаанд: “Мо бо раҳбарияти корхона барои ба иҷора гирифтани яке аз утоқҳои бино то соли 2019 шартнома ба имзо расонидаему ба маблағи беш аз 20 ҳазор сомонӣ, пешпардохт низ кардаем.”
Ҳизби наҳзати исломии Тоҷикистон, яке аз аҳзоби умдаи мухолифи кишвар ба шумор рафта, танҳо ҳизби расмии динӣ дар Осиёи Миёна мебошад. Ин ҳизб дорои таърихи 40-сола буда, соҳиби торнамову нашрияи худ мебошад ва ба гуфтаи масъулинаш ҲНИТ беш аз 40 ҳазор узв дорад, ки ҳудуди 15 ҳазори он дар вилояти Суғд ба сар мебаранд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |