19 май 2014 16:13Тоҷикистон / Сиёсат

Гуфтугӯ бо Қаҳҳор Маҳкамов, президенти нахустини Тоҷикистон

Қаҳҳор Маҳкамов, раисиҷумҳури нахустини Тоҷикистон, рӯзи 22 майи соли ҷорӣ дар маҳфили “Бунёди муколамаи тамаддунҳо”-и Иброҳим Усмонов иштирок ва ба суоли ҳозирин посух хоҳад дод. Ин маҳфил дар бинои маркази тиҷории “Пойтахт” соати 17-и рӯзи панҷшанбе баргузор мешавад.

Иброҳим Усмонов, раҳбари “Бунёди муколамаи тамаддунҳо” дар сӯҳбат бо “Озодагон” гуфт, оқои Маҳкамов дар ин дидораш ба ҳама саволҳо, эҳтимол дар бораи ҳаводиси солҳои навадуми қарни гузашта, низ посух гӯяд. “Он кас гуфтанд, ба ҳама саволҳо ҷавоб медиҳанд. Аз ин рӯ, хоҳиш карданд, ки ягон мавзӯи мушаххас намонем”,-афзуд профессор Усмонов.

Дар сурати иштирок ва посух ба суолҳо ин бори аввал хоҳад буд, ки Қаҳҳор Маҳкамови 82-сола дар рӯбарӯи хабарнигорон, намояндагони созмонҳои иҷтимоӣ ва таърихнигорону ҷомеаи шаҳрвандӣ дар бораи ҳодисаҳои солҳои навадуми асри гузашта суҳбат мекунад. То ин дам оқои Маҳкамов қисман дар бораи ин ё он масъалаи марбут ба ҳаводиси солҳои навадум бо хабарнигорон суҳбат карда, аммо ҳамеша аз тафсилот худдорӣ кардааст. Ҳатто ӯ чанде пештар гуфта буд, қасд надорад дар ин бора китоби хотираҳои худро бинависад.

Қаҳҳор Маҳкамов, зодаи шаҳри Хуҷанд, моҳи ноябри соли 1990, баъд аз фурӯпошии Шӯравии собиқ, президенти нахустини Тоҷикистон интихоб шуда, аммо дар муддати кӯтоҳ (1991) ба истеъфо рафт. Баъд аз ӯ курсии президентӣ ба Раҳмон Набиев насиб кард, вале ӯ ҳам дер напоид. Севумин раисиҷумҳури Тоҷикистон Эмомалӣ Раҳмон аст, ки соли 1992 ба ҳайси раиси Шӯрои олӣ интихоб шуда, 22 сол боз зимоми қудрат дар кишварро дар даст дорад.

Мӯҳр

Хабарҳои монанд:

Олим

Дар ин гуфтугу кадом нафарон метавонанд ширкат варзанд?
чунки ман низ мехохам ширкат дошта бошам.

Ҷавоб диҳед Иқтибос Шикоят

Барзу

Мухтарам экс-президент Махкамов дар бораи равандхои имрузаи давлатдории Точикистон - коррупсия, махалчиги ва хешу таборбози чи андеша дошта бошад? Оё ягон тавсияи халоси аз ин маризихоро пешниход дорад? Хуб мебуд, ки "Озодагон" бо у хаммусохиб мешуданд...

Ҷавоб диҳед Иқтибос Шикоят

Точик

Ягона президенте, ки бо наклиёти чамъияти хам кор мерафт. Ва ягона рахбаре буд, ки кишлоки худам ва совхози худам намегуфту, баланси минтакахоро дар давлатдори риоя мекард.

Ҷавоб диҳед Иқтибос Шикоят

точик

На духтарашро медонистему на кудову бародару хусурбачахову домодашро. Пеш аз рафтанаш гуфта буд: ман меравам вале пушаймон хохед шуд. Махалгароен уро кор карданн амонданд. Инсони хоксор аст.

Ҷавоб диҳед Иқтибос Шикоят

Колхозчй

Агар гунахгор нашавам, Махкамуф авлиё аст. Гуфта буд, ки пушаймон мешавед. Марда мардаш аст. На гапи занашро мегирифту на гапи кудову домоду дигару дигарашро. Дар фикри ободии Точикистон буд, хаст ва мебошад. Барои як бинои вайронаро хусусй кардану обод карданаш киха шуд.

Ҷавоб диҳед Иқтибос Шикоят

Бонапарт

Он давра сохт дигар буд ва худи давлат тобеъи СССР буд аз ин ру чамъият сарфи назар аз хости котиби 1-ум ва сарвари республика одил буд.Холо бошад чунин сохт нест.Чи коре хоханд мекунанд.

Ҷавоб диҳед Иқтибос Шикоят

Кухистони

Махкамов вокеанд иктисоддони бокуват аст. Лек як чизро мехохам он руз чавоб дихад. Дар бораи ки тарафдору ким тарафдор. Оё ин махлгарои набуд? Холо бошад махалгарои ба авчи аъло расидааст.

Ҷавоб диҳед Иқтибос Шикоят

Эзоҳ илова кунед