Талаби Шодихон Ҷамшед, раиси Бадахшон, аз эътирозгарон
Дар ин бора ба “Озодагон” манбаъ аз ҳисоби намояндагони ҷомеаи шаҳрвандии Бадахшон хабар дода, афзуд, ки раиси вилоят ваъда дод талаботи эътирозгарон мавриди баррасӣ қарор хоҳанд гирифт. Бо вуҷуд манбаъ афзуд, ки феълан эътирозгарон, ки ҳудуди 500 нафарро ташкил медиҳанд, дар назди бинои ҳукумати вилоят қарор дорад: "Бисёри гирдомадагон ҳатто шабро низ дар майдони пеши ҳукумат рӯз карданд."
Намояндагони ҷомеаи шаҳрвандии Бадахшон 22-юми май бо пахши як изҳорот, нигаронии худро баён намуда, талаботи хешро пеш гузоштанд, ки матни пуррааш чунин аст:
Ҷомеаи шаҳрвандии Вилояти мухтори Кӯҳистони Бадахшон аз вазъи пешомада дар шаҳри Хоруғ нигарон буда ва бо ҳадафи пешгирӣ аз афзоиши таниш дар Бадахшон эълом медорад: Рухдодҳои маргбори рӯзи 21-уми май дар Хоруғ як иқдоми аз пеш барномарезишудаи ниҳодҳои интизомӣ барои фишор бар мардуми Бадахшон бо ҳадафи нишон додани нофармонии доимии бархе аз қишрҳои ҷомеъаи вилоят ба ҳукумати ҷумҳурӣ ва эҷоди фазои тарсу ҳарос, таслим ва итоати кӯркӯрона ба зӯр ва на ба ақли салим, адл ва инсоф барои ҳамзистии давлат ва ҷомеаи шаҳрвандӣ аст.
Бо такя ба ормонҳои волои ваҳдати миллӣ ва сулҳу оштӣ ки дар Қонуни асосии Ҷумҳурии Тоҷикистон дарҷ шудаанд, ва бо дарки комили масъулияти шаҳрвандиву инсонӣ ва таъкид ба ҳамбастагии комил бо бародаронамон дар ҳамаи минтақаҳои Тоҷикистон, ҳамчун ҷузъи воҳид ва ҷудоинопазири Меҳанамон Тоҷикистон, талаб дорем:
1. Барои баррасӣ ва бозҷӯии рухдодҳои рӯзи 21-уми майи 2014 дар Хоруғ комиссияе муштарак аз намояндагони раёсати ҷумҳурӣ ва давлати Ҷумҳурии Тоҷикистон, аз он ҷумла раиси ВМКБ Шодихон Ҷамшедов ва намояндагони сохторҳои қудратӣ аз як сӯ ва намояндагони ҷомеъаи шаҳрвандӣ, аз дигар сӯ, ташкил шавад.
2. Ҳамин комиссия амалиёти маргбори 24-уми июли соли 2012 дар Хоруғ ва ҳодисаеро низ ки як моҳ пеш дар ноҳияи Рӯшон иттифоқ афтод, таҳқиқ кунад ва барои пешгирӣ аз вуқуъи ҳаводиси мушобеҳ дар оянда чораҳо бияндешад. Ҳамчунин ҳуқуқи сиёсӣ ва иҷтимоии ширкаткардагон дар рӯйдодҳои тобистони соли 2012 дар Хоруғ барқарор карда шуда ва ба хонаводаҳои осебдида дар он ҳаводис ёрӣ расонда ва зиндониёни сиёсӣ озод карда шаванд.
3. Ҷаласоти изтирории Маҷлиси вилояти Бадахшон ва Маҷлиси шаҳри Хоруғ бо ширкати густардаи намояндагони ҷомеаи шаҳрвандӣ барои баррасии вазъият дар ВМКБ дар робита бо истифода аз силоҳ дар маркази вилоят баргузор шаванд.
4. Ҳама кормандони ҳукумати ВМКБ ва ниҳодҳои амниятию интизомии вилоят ва шаҳри Хоруғ, ки дар бораи ин амалиёт аз қабл огоҳ буда, вале ҳеч гуна чорае барои муҳофизати мардум аз амалиёти низомӣ дар маркази шаҳри Хоруғ наандешидаанд, аз симаташон барканор карда шаванд.
5. Баёнияи ҷомеъаи шаҳрвандӣ ба забонҳои тоҷикӣ, русӣ ва англисӣ дар ҳама расонаҳо мунташир шавад. Дар поён аз ҳукумати Тоҷикистон дархост дорем, аз пешдоварӣ дар бораи ин рӯйдод худдорӣ карда ва мунтазири анҷоми бозҷӯиву баррасӣ бошад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
