Марги Фрайдун Абдурасулов... ва тирпаронӣ дар назди бинои КДАМ
Наздикони Фрайдун Абдурасулов – яке аз афроди боздоштшуда дар пайи тирпаронии рӯзи 21 майи соли ҷорӣ дар Хоруғ, ки дар бемористон бистарӣ буд, аз даргузашти ӯ хабар доданд. Аммо иллати марги ӯ то ҳол эълон нашуда, мақомот низ чунин иттилоъро тасдиқ ё такзиб накарданд.
Ҷалолиддин Садриддинов, сухангӯи Вазорати умури дохилии Тоҷикистон, дар посух ба суоли мо дар ин замина гуфт, “аз субҳ боз ба мақомоти Хоруғ занг мезанем, касе ҷавоб намедиҳад”. Ин дар ҳолест, ки ба қавли наздикони Фрайдун, захми ӯ дар муқоиса ба дигар иштирокдорони ҳодисаи 21 майи соли ҷорӣ хеле сабук буд. Мақомоти умури дохилӣ оқои Абдурасуловро дар қочоқи маводи мухаддир муттаҳам медонистанд.
Дар ҳамин ҳол, бино ба иттилои манобеи ғайрирасмӣ, шаби 23 ба 24 май, дар пайи хабари марги Абдурасулов тирпаронии навбатӣ дар кӯчаи Ленин, наздикии бинои Раёсати амнияти миллӣ дар Хоруғ, сурат гирифтааст. Ба қавли сокинони маҳаллӣ, дар пайи ин тирпаронӣ Азамат Паллаев сахт ҷароҳат бардошта, баъдан ҷон бохтааст. Онҳо мегӯянд, инчунин, ронандаи як “Мерседес” низ дар ин тирпаронӣ маҳруҳ шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |