Шумори варақаҳои овоздиҳии беэътибор дар интихоботи ахири раёсатҷумҳурии Миср аз теъдоди варақаҳое, ки ба ҷонибдорӣ аз Ҳамдин Сабоҳӣ, рақиби ягонаи Абдулфаттоҳ Сисӣ бештар аст. Дар ин бора “Ал-Арабия” хабар додааст.
Комиссияи ҳисоб баъди ҳисоби муқаддамотии овозҳо чунин рақамро пешниҳод кардааст. Ба ҷонибдорӣ аз Сисӣ наздики 23 миллион ё 92.8 дар сад раъй додаанд. Ба ҷонибдорӣ аз сабоҳӣ бошад, 735 285 нафар ё 3.1 дар сад. Ин дар ҳолест, ки шумораи варақаҳои беэътибор 1 078 049 ё 4.3 фисад будааст.
Ҳисоби муқаддамотӣ нишон дода, ки теъдоди онҳое, ки эътирози худро ба интихобот бо роҳи беэътибор кардани варақаҳо нишон додаанд аз интихоботи соли 2012 зиёдтар будааст. Дар ин варақа навишта шуда, ки "Роналдо - раисиҷумҳури Миср" Дар ин варақа навишта шудааст, ки "На ба Фиръавни нав"
Мӯҳр