Наздикони Манзура мегӯянд, як ҳафта боз аз ӯ хабаре нест
Наздикони Манзура Ҳамидова, сокини шаҳри Душанбе, мегӯянд, беш аз як ҳафта мешавад, наметавонанд, ӯро пайдо кунанд. Ҳамидова 15 сол дошта, сокини маҳаллаи “Гулбута”-и шаҳри Душанбе мебошаду аз рӯзи 3 июни соли ҷорӣ ба ин сӯ, беному нишон гаштааст.
Наздикони Манзураи 15-сола рӯзи 11 июн дар суҳбат бо “Озодагон” гуфтанд, бори охир ӯро дар маҳаллаи маъруф ба “Танка”-и пойтахт дидаанд: “Рӯзи 3 июн ӯ ба микроавтобуси навъи Мерседес”-и хатсайри 33 ба самти бозори Саховат нишаста, бояд хона мерафт, аммо то ҳол маълум нест, куҷо шудааст.”
Онҳо мегӯянд, дар ин бора ба Шуъбаи корҳои дохилии ноҳияи Шоҳмансури пойтахт муроҷиат кардаанд, аммо ҳанӯз чизе маълум нашудааст. Пайвандони Ҳамидова аз сокинон хоҳиш доранд, ҳангоми доштани кадом як маълумоте дар бораи ӯ ба рақамҳои зерин тамос гиранд: 98 537 65 63 – 37 880 65 63
Ин ҳам дар ҳолест, ки аз нопадид шудани Алишер Ақназарови 22-сола, зода ва истиқоматкунандаи шаҳри Душанбе, курсанти соли якуми Академияи Вазорати умури дохилии Тоҷикистон, се моҳ сипарӣ мешавад. Расул Ақназаров, бародари Алишер, гуфта буд, бародараш рӯзи 11 март аз Академияи ВКД баромада бедарак шудааст: "Вақте мо чанд бор ба телефони ҳамроҳаш занг задем, хомуш буд. Дар Академия гуфтанд, ки ӯ баромадааст. Ба пулис ҳам муроҷиат кардем, аммо то ҳол натиҷае нест." Ба гуфтаи наздикон қади Алишер 180-182 сантиметр, муйаш сиёҳ ва дар рӯзе, ки бедарак шудааст, дар тан камзули кабуд, шими ҷинс ва пойафзоли сиёҳ доштааст.
Наздикони Алишер аз шаҳрвандони Тоҷикистон хоҳиш доранд, ки дар сурати пайдо кардани иттилое дар бораи ҷойи будубоши ӯ бо рақамҳои 227 80 08, 221 24 87 ё 93 470 70 00 занг зананд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |