Суолу ҷавоби вакилон бо Кабирӣ дар мавриди ҳамла бо тухму помидор
Дар пайи баромади Муҳиддин Кабирӣ, вакили парлумон ва раҳбари Ҳизби наҳзати исломии Тоҷикистон, дар робита ба ҳодисаи 10 июн дар Кӯлоб миёни ӯ ва вакилон баҳс ва суолу ҷавоб баргузор шуд.
Исмоил Талбаков, вакили парлумон ва муовини раиси Ҳизби коммунист, ин ҳамларо маҳкум карда, афзуд, вақтҳои охир як гуруҳи созмонёфта ва ҳатто касбӣ ташкил шудааст, ки дар навоҳии гуногун ба ҳамла ба ин ё он ҳизб машғул мебошад. Ӯ аз Кабирӣ хост, он наворе, ки гирифта шудааст, ба мақомот барои таҳқиқ пешниҳод кунанд ва ин афрод маълум ва муҷозот гарданд.
“Ин чӣ хел мешавад, ки фалониро дар Бадахшону инро дар Кӯлобу Суғд мезананд. Куҷо шуд ин меҳмоннавозии мо? Зоҳиран ин кори дасти афроди муайян аст. Киҳоянд онҳо? Наворро ба мақомот пешниҳод кунед, то шахсияти дастандаркорон муайян шаваду мардуми ин ё он минтақа айбдор нашаванд. Ба мо дирӯз интихобкунандагонамон занг зада гуфтанд, ягон нафар аз ҳамлагарон аз Кӯлоб набудааст”,-афзуд Талбаков.
Кабирӣ ҳам созмонёфта ва кори як гуруҳ будани ин ҳамлаҳоро таъйид карда, афзуд, “дирӯз як марди бенавои зодаи Кӯлоб ба мо гуфт, ба ӯ тухму помидор дода, гуфтаанд, вақте Кабирӣ меояд, ӯро бизан. Хостаанд, аз вазъи бади иқтисодии ӯ сӯистифода кунанд, аммо номуси ӯ нагузоштааст ва гуфт, ки ман ин корро рад кардам. Аммо нафаре, ки ин гуфтаҳои мардро ба навор гирифт, мавриди ҳамла қарор гирифт ва дастгоҳи наворбардории ӯро шикастанд.”
Кабирӣ таъкид намуд, аз сафараш ба Кӯлоб раиси ин шаҳр огоҳ буд ва баъд аз ҳамла низ аз қазия хабардор шудааст: “Вақти бозгашт низ дар се дидбонгоҳ мошини маро тафтиш карданд. Гуфтам, ман вакилам. Маъмури БДА изҳор дошт, ки дастур аз болост, ки бояд ин мошинро тафтиш кунам.”
Раиси ҲНИТ таъкид намуд, баъзе сафарҳояш на ба ҳайси вакил, балки ба ҳайси раиси ҳизб сурат мегиранд, аммо ин маънои онро надорад, ки бояд мавриди ҳамла қарор дода шавад: “Ин маънои онро надорад, ки вакил баъд аз соати корӣ дигар вакил нест. Қонунгузорӣ аст ва бояд риоя шавад.”
Сафаралӣ Гулов, вакили дигари парлумон, аз Кабирӣ суол кард, ки оё барои чунин сафарҳояш аз раиси Маҷлиси Намояндагон иҷозат гирифт ва оё ташкили чунин мулоқот дар рӯзи корӣ мумкин аст? Кабирӣ дар посух гуфт, ин суол то ҷое дуздро монда, соҳибхонаро муттаҳам кардан аст, ки чаро ду қулф намондӣ: “Бо вуҷуд ман посух медиҳам, ки мулоқотам чӣ дар хориҷ ва чӣ дар дохили кишвар дар доираи қонунгузорӣ сурат мегиранд. Дар куҷо омадааст, ки вакил наметавонад дар рӯзе ҷаласаи парлумон нест мулоқот баргузор кунаду ва барои сафар дар дохили кишвар аз раиси Маҷлиси Намояндагон иҷозат бигирад. Аммо агар зарур бошад, минбаъд чунин ҳам мекунем.”
Шодӣ Шабдолов, вакили Маҷлиси Намонядагон ва раиси Ҳизби коммунист, низ ин ҳодисаро маҳкум намуда, дар сурати такрори чунин ҳолатҳо аз такрори нооромӣ дар кишвар ҳушдор дод. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
