18 июн 2014 11:04Тоҷикистон / Сиёсат
Раиси Хонаи Озодӣ: "Боздошти Александр Содиқов ба одамрабоӣ монанд аст"
Дар изҳороти Freedom House, ки 17 июн нашр гардид, таъкид шудааст, “мақомоти қудратии Тоҷикистон бояд ҳар чӣ зудтар дар бораи макони будубош ва вазъи Содиқов ба пайвандону ҳамкоронаш хабар диҳанд.” Дэвид Крамер, президенти Хонаи Озодӣ, гуфтааст, “шеваи боздошти Содиқов ба одамрабоӣ монанд буда, ӯ бояд ба вакили мудофеъ дастрасӣ дошта бошад.”
Дар ҳамин ҳол, як гуруҳ аз ҷавонони тоҷики таҳсилдида дар кишварҳои хориҷӣ ба ҷонибдорӣ аз озодии Александр Содиқов дар интернет ба ҷамъоварии имзо пардохтаанд. Онҳо бо нашри изҳороте аз Саймуъмин Ятимов, раиси Кумитаи давлатии амнияти миллии Тоҷикистон, озодии унвонҷӯи Донишгоҳи Торонторо хостаанд. Дар изҳороти ин ҷавонони тоҷик аз ҷумла омадааст, “боздошт шудани Аклександр Содиқов аз сӯи маъмурони амниятии Тоҷикистон ба иттиҳоми ҷосусӣ ба нафъи давлати бегона мо як гуруҳи муҳассилин ва фориғуттаҳсили донишгоҳҳои олии кишварҳои хориҷиро сахт нигарон кардааст. Мояи нигаронии ин қазия дар он аст, ки фаолияти илмии Содиқов барои омухтани таҷрибаи кишварҳои Осиёи Марказӣ дар ҳаллу фасли танишҳои дохилӣ равона шудаасту мақомоти тоҷик онро ҷосусӣ хондаанд.”
Ин донишҷӯёни тоҷик гуфтаанд, қазияи Содиқов сабаб мешавад, то онҳо худро ноамн дониста, дар фаъолиятҳои касбию илмияшон эҳсоси таҳқир кунанд. Дар ҳоле ки ба гуфтаи онҳо, малакаву дониши касб кардаашонро барои рушду пешрафти ватани худ истифода мекунанд.
Александр Содиқов, шаҳрванди Тоҷикистон ва унвонҷӯи Донишгоҳи Торонто, рӯзи 16 июни соли ҷорӣ дар шаҳри Хоруғ аз сӯи кормандони Кумитаи амнияти миллӣ ба иттиҳоми ҷосусӣ боздошт гардид. Раёсати Кумитаи амнияти миллии Тоҷикистон дар Бадахшон рӯзи 17 июни соли ҷорӣ бо пахши изҳороте боздошти Александр Содиқовро тасдиқ кардва гуфт, ӯ дар пайи иҷрои супориши хадамоти махсус (ҷосусӣ)-и яке аз давлатҳои хориҷӣ будааст.
Бар асоси иттилои Раёсати Кумитаи амнияти миллӣ дар Бадахшон, Александр Содиқов зодаи шаҳри Панҷакент буда, муваққатан бекор аст. Аммо Алим Шерзамонов, раиси Ҳизби сотсиал-демократи Тоҷикистон дар Бадахшон, ки Александр Содиқов ҳангоми сӯҳбат бо ӯ боздошт гардидааст, иддаои мақомотро рад карда, мегӯяд, ӯ барои таҳқиқи ҳодисаҳои ахири Хоруғ ба Бадахшон рафта буд. Ба қавли Шерзамонов, Александр Содиқов ҳангоми суҳбат худро устоди Донишгоҳи Торонтои Канада муаррифӣ кардааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
