25 июн 2014 09:05Тоҷикистон / Рӯ ба рӯ
Номаи Исмоилов ба президент: “Мани мусибатзадаро наҷот диҳед”
Ин сокини минтақаи селзадаи Шӯрообод рӯзи 24 июн дар суҳбат бо “Озодагон” гуфт, дар пайи фаромадани ярч зану фарзанд ва манзили истиқомативу захираи рӯзгори зиндагиашро аз даст додааст ва ҳоло ҳамчун як марди синнаш ба нафақа расида дар хонаи хешовандонаш ба сар мебарад. “Ҳоло аз як хонаводаи хушбахти 8-нафарӣ ману писари 31-солаам боқӣ мондаем ва дар хонаи наздиконамон ба навбат шабро рӯз мекунем. Албатта, ба мо хайма дода буданд, вале дар ин гармӣ дар онҳо зиндагӣ кардан хеле душвор аст. Чанд бор ба раиси ноҳия муроҷиат кардем, аммо бенатиҷа буд, мегӯянд, ҳоло қарори президент барои сохтмон набаромадааст,”-илова кард ӯ.
Исмоилов гуфт, ҳарчанд бо дастури Эмомалӣ Раҳмон барои ӯ ва ҳамдеҳагонаш дар ҷамоати Саричашмаи ноҳияи Шӯрообод қитъаи замин ҳоло ҷудо шудаасту он ҳам дар як макони беоб ва набудани шароити зист: “Синну солам ба 62 расидаасту дигар нерӯи кории худро аз даст додаам ва ба иловаи ин дигар ғаму дарди зану фарзанд ва набераҳову келини зери ярч мондаам, маро ором намегузоранд.”
Дар номаи ин сокини минтақаи селзадаи кишвар ба Эмомалӣ Раҳмон, ки нусхаи он дастраси “Озодагон” низ гардид, аз ҷумла омадааст, “Шумо ҳам сарпарастии манро доред, ҷаноби олӣ хоҳиш мекунам, ба хотири шаҳидони ғӯрамаргонаму шод гардонидани арвоҳи онҳо манро аз шаҳри Душанбе бо манзили истиқоматӣ таъмин намоед, чун ягон намуди маблағ дигар надорам.” Исмоилов дар идомаи номааш афзудааст, “аз ҳамаи Шумо роҳбарон эҳтиромона хоҳиш дорам, мани мусибатзадаро аз ин бесарпаноҳӣ наҷот диҳад.”
Шоми 12 ба 13 апрели соли ҷорӣ дар пайи боришоти зиёд ва фаромадани ярч дар деҳаи Одинабойи ноҳияи Шӯрообод аз се хонавода - Нурмуҳаммад Исмоилов, Қурбон Носиров ва Самад Арзиев ҳамагӣ 13 нафар ба ҳалокат расида буданд. Аз миёни ин қурбониён танҳо шаш нафари онҳо - Холисамо Мустафоқуловаи 58-сола, Ҳафизамо Исмоиловаи 34-сола, Моҳтоббӣ Афғоноваи 27-сола, Меҳрубони Муҳиддини 10-сола, Гулбарги Муҳиддини 9-сола марбут ба оилаи Исмоиловҳо мебошад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
