25 июн 2014 11:37Оcиёи Марказӣ / Тоҷикистон

Норозигии Самӣ Шариф аз гузориши HRW дар мавриди Роғун

Самӣ Шариф, директори муассисаи давлатии Дирексияи Минтақаи пахшшавии НОБ-и Роғун аз гузориши дидбони ҳуқуқи башар ё худ HRW дар мавриди нақзи ҳуқуқи садҳо оила ҳангоми бунёди Роғун изҳори норозигӣ кард.

Самӣ Шариф имрӯз, 25-уми июн баъди муаррифии гузориши HRW дар мавриди нақзи ҳуқуқи оилаҳои муҳоҷиршуда аз майдони сохтмони Роғун изҳори норозигӣ карда, афзуд, ки шароити зиндагии муҳоҷиршудагон хуб аст: “Барои кӯчондани ҳар оила аз майдони Роғун на камтар аз 150 ҳазор сомонӣ сарф шудааст. Он шароите, ки мо барои сокинони муҳоҷиршуда аз минтақаи Роғун муҳайё кардем, аз шароити пешинаашон хеле хубтар аст. Дар ҷои нав барои онҳо 5 мактаб, нуқтаҳои тиббӣ, қубурҳои об сохта ва насб шудаанд.”

Самӣ Шариф илова намуд, ки раванди муҳоҷирати оилаҳо аз минтақаи Роғун дар маслиҳату мувофиқа бо Бонки Ҷаҳонӣ сурат гирифтааст. Ӯ танҳо як камбудии зикркардаи HRW-ро эътироф намуд, ки барои кӯчондани оилаҳо мошини боркашро кам пешниҳод намудаанд: “Пештар барои ду оила як мошин дода мешуд, ҳоло бошад, барои ҳар як хонавода як мошин дода мешавад.”

Давлат Акобиров, як шаҳрванди Тоҷикистон, ки се соли пеш аз минтақаи Роғун ба деҳаи Туйчии Турсунзода кӯчонда шудааст, суханони Самӣ Шарифро тақвият дода, изҳор дошт, ки аз шароити зиндагияш баъди муҳоҷират розӣ аст. Акобиров афзуд, ки аъзои маълумотдори хонаводааш бо ҷои кор таъмин шуда, ҳукумати ноҳия ба онҳо замин барои хоҷагии деҳқонӣ ваъда додааст.

Ин дар ҳолест, ки масъулини HRW зимни ин ҳамоиш як гузориши 81-саҳифагиро муаррифӣ намуда, изҳор доштанд, ки ҳолатҳои зиёди нақзи ҳуқуқи башарро сабт намудаанд: “Бисёре аз оилаҳои муҳоҷиршуда бо мушкилоти вобаста ба ҷои истиқомат, дастрасӣ ба ғизо, об ва маориф мувоҷҷеҳ шудаанд. Мушкили асосӣ дар он аст, ки ҳаҷми ҷубронпулӣ барои муҳоҷирон кофӣ нест. Барои оилаҳои муҳоҷир дар ҷои нав шароит барои чорводорӣ низ муҳайё нашудааст. Дар бархе аз маҳаллаҳои оилаҳои муҳоҷиршуда, то ҳол ҳам мактаб бунёд нагардидааст.”

Франческа Корбачо, пажуҳишгари HRW ва муаллифи гузориш бо зикри он, ки дар маҷмуъ аз майдони сохтмони Роғун бояд ҳудуди 42 ҳазор нафар кӯчонида шаванд, аз ҳукумат ва донорҳо хостааст, камбудиҳои то ҳол ҷойдоштаро ислоҳ кунанду ба такрори онҳо дар раванди минбаъда роҳ надиҳанд: “Ҳуқуқҳои инсон бояд барои рушди иқтисодӣ фидо нашаванд.”

Мӯҳр

Хабарҳои монанд:

Т Бо номта самй шарифхон кадай ба мара бра карзи барки точика бспор... месупори..

Ҷавоб диҳед Иқтибос Шикоят

Часур

Мухтарам Пажухишгари HRW чаро пажухишатро дар Украина анчом намедихи? Е аз США метраси? Дар Украина хабарнигоронро дастгир кардаву берахмона ба катл мерасонанд, чаро ягон организацияи хоричи лаб намекушояд ? Кудакони бегунох ва пирони барчомондаву шахсони нотавонро дар шарки Украина берахмона зери тиру туфанг монда истодаанду ширкатхо ва хомиени хукуки башар гуе ки хамаи инро намебинанд. Дигар ягон нафар ба Шумо бовар намекунад мухтарам чангандозон. Бо ин гузоришхоятон мехохед як давлати тенчу ободро ба чангу бесуботи равона созеду баъдан аз хисоби ин коратон нон хуред! Хар он давлате ки чилави ин созмонхои амрикоиро ба даст намегирад окибаташ ба ноамниву хунрези рафта мерасад. Агар чоп накунед пас озод буданатон хам зери суол аст!

Ҷавоб диҳед Иқтибос Шикоят

Шеркулибек

Сами Шариф директор?Ха!Ха!Хааааа!Хандаам меояд.Ин мардак дар кучое буд ободие накард.Холо низ лачоми мансабро сахт дошта гаштааст ку!Замони давлати асли ва конунии Иттиходи Шурави мешуд уро рангмол низ таъин намекарданд.

Ҷавоб диҳед Иқтибос Шикоят

Темурланг

Часурбой рост мегуи бародар.Дар Точикстон низ вакто,ки куввахои душмани миллати точик бо тупу яроки узбаку рус точиконро дар назди симхорхои лаби дарёи Панч даххо хазор нафарашон катли ом мекарданд моххои ноябр ва декабри соли 92 касе гап намезад.

Ҷавоб диҳед Иқтибос Шикоят

tojik

xalki rogun sad foiz roziand.az xonahoi kuhnai boboi xalos shudand.

Ҷавоб диҳед Иқтибос Шикоят

Кардинал

шеркулибек рост мега, панч сол кургонтеппаро хурду гашт. хатто як чукурии рохро асфалтпуш накард, хамира садкаи вазифа кунад масхарабоз бехтараш дар сирк кор кунад мешава

Ҷавоб диҳед Иқтибос Шикоят

Justice

Ин Human Rights Watch шояд бо дархости баъзе давлатхои хамсояамон ин корро анчом дода бошад. Рогун оё ба мардуми давлати хамсояамон ягон зарар дорад? HRW ба шахрвандони мо и кор дорад? Оё онхо аз поймол шудани хукуки худ ба онхо мурочиат намуданд? Хамма шахрвандони гирду атрофи Рогунро Хукумат бо чои хуби зиндаги таъмин намуд.
HRW, последние годы, последние дни тысячи людей погибают в Сирии, на Украине. Куда вы смотрите? Соблюдаются ли права человека в этих странах? Про Ирак и Афганистан вообще молчим. Что творят ваши соотечественники и ваши друзья? Вы на них глаза закрываете и поддеживаете их. Что вам на пользу, вы того делаете, а что нет, дргуим запрещаете. Или Узбекистан пообещал вам принять ваши военные базы? и это вы считаете частью сделки?

Ҷавоб диҳед Иқтибос Шикоят

ФИРУЗИ К-М

Офарин ба шумо Ҷасур, tojik ва Justice, шумо дар хақиқат рост мегӯед нисбати ин ширкати хориҷӣ ва дигар ширкатҳои байналмилалӣ. То ҷойе аз фаъолияти имрӯза ва таърихи кори Самӣ Шариф огоҳ ҳастам, марди ободкор ва дастгири ҳамкоронаш аст (Албата дили ҳама касро ҳеҷ кас ба каф оварда наметавонад). Гузориши ин ширкати хориҷӣ 99% боварӣ дорам, ки кори дасти аҷнабӣ аст. Ман худ шоҳид ҳастам, ки муҳоҷирон ба он мавзеъҳое кӯч дода мешаванд, ки бартарии бештар доранд ва воқеан ҳам бо нуқтаи тиббӣ, мактаб ва дигар шароити зист муҳайё ҳастанду ҳамагӣ розиянд, ҳеҷ не аз барои миллаташон ҳеҷ кадомашон норзигӣ намекунад, дуруғ мегӯяд ин ширкат. Албата ҳар ҷойе кор аст, камбудӣ пайдо мешавад, аммо чуноне директори ин Муассиса гуфтанд, камбуӣ буд ва онро зуд рафъ кардааст, аз ин суханаш пайдост ки масъулият ҳис мекунад ва эҳсос мекунад ки махсусан РОҒУН ҷойе нест, ки аз ҳисоби он луқмаи бе обилаи кафи даст ва ё хилофи ризогии Худо хӯрд...БОВАРӢ ДОРАМ, ҲАМАИ МАСЪУЛИНИ БУНЁДИ НБО-и РОҒУН ИНРО МЕДОНАД, ЧУН РОҒУН ИНШООТИ МИЛЛИСТ!

Ҷавоб диҳед Иқтибос Шикоят

Эзоҳ илова кунед