03 июл 2014 12:21Тоҷикистон / Сиёсат

Таърифи раиси Бадахшон аз ходимони дин ва интиқоди депутатҳо

Шодихон Ҷамшед, раиси Бадахшон дар Маҷлиси навбатии вакилони халқи вилоят аз бефаъолиятии намояндагони мардум дар қазияи 21-уми майи Хоруғ интиқод намудааст.

Раиси Бадахшон дар хитоб ба вакилони халқ гуфтааст, дар пайи ҳодисаҳои ахири Хоруғ дар баробари талафоти ҷонӣ ба хоҷагии вилоят 11 миллион сомонӣ зарарӣ моддӣ расонда шудааст: “Он касоне, ки дар ин кори нангин даст доштанд аз дигар ҷо наомадаанд, онҳо фарзандани мо буданд.”

Тибқи иттилои сомонаи “Импулс” Шодихон Ҷамшед изҳори тааҷҷуб кардааст, ки “шумо, вакилони халқ, ки аз мардуми вилоят намояндагӣ мекунед, дар халли мушкилоти халқ саҳми назаррас нагузоштед. Аз дигар манотиқи кишвар ва берун аз он, аз Русия одамон омада барои ҳалли қазияи Хоруғ кӯмак мерасонанд, аммо 69 нафар вакилон халқ дар куҷоянд? Ин воқеъаҳои дирӯзу имрӯз нестанд. Ин воқеъаҳое ки ду сол боз давом ёфта истодаанд. Тамошобин набошед. Кор то дараҷаи оташ задани манзили зист расид. Як чизро фаромӯш насозед, ки агар чунин бетарафу хомӯш бошед, аланга ба хонаи шумо низ мерасад. Баъд чӣ мешавад?”

Шодихони Ҷамшед илова намудааст, таъмири биноҳои харобкардаи Хоруғро роҳбарияти ҷумҳурӣ ба уҳда гирифтааст: “Вазифаи мою шумо танҳо таъмини амният аст.”

Шодихон Ҷамшед ҳушдор додааст, ки “дар интихоботи навбатӣ ба фаъолияти намояндагони халқ баҳогузорӣ хоҳад шуд ва муайян карда мешавад, ки оё баъзе аз вакилон ҳуқуқи маънавии намояндаи халқ буданро доранд ё не? Инро хуб дарк кунед. Ин ба баъзе кормандони ҳокимияти давлатӣ низ дахл дорад.”

Раиси Бадахшон ходимони дини вилояти Бадахшонро мисоли ибрат хондааст, ки дар муътадилсозии вазъи Хоруғ саҳми назаррас гузоштаанд: “Аз ин кори ходимони дин роҳбарияти кишвар низ огоҳанд ва онро хуш пазируфтанд.”

Шодихон Ҷамшед илова кардааст, ки дар шаш моҳи фаъолияти корияш барояш маълум шуд, ки кӣ-кӣ аст: “Барои ҳамин нисбати касоне ки аз рӯи адолат амал намекунанд, чора андешида мешавад. Хизматчии давлатӣ бояд хизматгузори давлат бошад, сиёсати давлатро пеш барад, на гурӯҳу ҳизби алоҳидаро.”

Мӯҳр

Хабарҳои монанд:

Ин Шодихон мегуи аз сайераи дигар ба Точикистон омада бошад. Кадом вакт дар Точикистон ягон депутат мардуми буд?

Ҷавоб диҳед Иқтибос Шикоят

рвар

Шодихон Чамшед раиси вилоят аст, на президент. Подстава накнеш бо ЧО ай кор суруш накна.

Ҷавоб диҳед Иқтибос Шикоят

tuty

Хизматчии давлатӣ бояд хизматгузори давлат бошад, сиёсати давлатро пеш барад, на гурӯҳу ҳизби алоҳидаро.” Ne janobi Shodikhon, khizmatchii davlati boyad khizmatgori khalq boshad na davlat. Khalq andozsuporanda hast na davlat... Shumo khudaton davlatdoron yagon hisi manavi dored?

Ҷавоб диҳед Иқтибос Шикоят

ДЕХКОН

ДАР ТОЧИКИСТОН МУТААССИФОНА КАМ ХИЗМАТЧИИ ДАВЛАТИЕ ДИДА МЕШАВАД КИ ПОЯИ КОРАШ НАЛАНГАД. ШОДИХОН ЧАМШЕД ХИЗМАТЧИИ ДАВЛАТИ БОЯД СОДИКОНА ХИЗМАТГОРИ МАРДУМ БОШАД НА ХИЗМАТГОРИ ДАВЛАТ . ХАТО КАРДЕД . ВА СИЕСАТИ ДАВЛАТ РО ПЕШ БАРАД БО ХАДАФИ САДОКАТ , МАНФИАТ ВА ХИЗМАТ БА ХАЛКИ ТОЧИК НА БА ДАВЛАТ . ВА АГАР МАНФИАТИ ХАЛК РО БА ВОСИТАИ ЯГОН ГУРУХ Ё ХИЗБИ РАСМИ ВА СИЁСИИ ДАВЛАТ БИНАД ЧИАРО КИ ДАСТ ГИРИ НАКУНАД ? МАГАР МАРДУМ ОЗОД НЕСТАНД ? Ё ТО ЛАБИ ГУР БОЯД ОН КОРЕРО БИКУНАНД КИ БА ДА ДАВЛАТ ДОРОНИ АЛОХИДА МУФИД БОШАД ! ХАР ЯК ШАХРВАНДИ ТОЧИК БОЯД ОЗОДИ ВА ХАКИИ ИНТИХОБИ РОХ РО ЭХСОС КУНАД . ОН ВАКТ АСТ КИ БУИ РУШД ВА ПЕШРАФТ ДАР МАШОМИ ХАМА ПАЙДО ХОХАД ШУД . НА ИН КИ МИСЛИ ЧУПОН БО ОВОЗУ ЧУБ МАРДУМРО ХАЙ ХАЙ ГУФТ !

Ҷавоб диҳед Иқтибос Шикоят

852

Ягона одаме ки гапи роста гуфтааст 100% дуруст!

Ҷавоб диҳед Иқтибос Шикоят

Бадахшони

Ин хел намояндахо ки ягон бор бо кори куча омода набуданду, намефахмиданд,- дар хонаи худашон бакор намеоянд,намедонем чи тавр интихоб шуданд. Барои Шумо бояд маълум будагист ки 22.07.2012 онхо куштори халки точикро тамошо карданду ба хонахои худ гурехтанд ва телефонхои мобилии худро хомуш намуданд ва занхои худро вазифадор намуданд ки онхоро пурсанд гуё дар хона нестанд.

Ҷавоб диҳед Иқтибос Шикоят

Эзоҳ илова кунед