Эътирози ҳазорон нафар дар тамоми ҷаҳон алайҳи Исроил
Ҳазорон нафар аз гӯшаву канори олам бо нишони эътироз аз амалиёти низомии Исроил дар навори Ғаза ба кӯчаҳо баромадаанд.
Бино ба иттилои расида, ҳамлаҳои Исроил ҷони беш аз 120 фаластиниро гирифта, садҳо нафари дигарро захмӣ кардааст.
Бузургтарин таҷаммуи одамон дар Лондон баргузор шудааст. Ҳазорон нафар бо шиорҳои “Озодӣ ба Фаластин” назди сафоратхонаи Исроил дар Бритониё гирди ҳам омадаанд. Дар ин гирдиҳамоиҳо волидон фарзандонашонро ҳам бо худ оварда, чеҳраҳои онҳоро ранг кардаанд, то ҷароҳати кӯдакони фаластинӣ аз бомбандозиҳои Исроилро нишон диҳанд, менависад The Independent.
Дар Париж ҳам чунин як гирдиҳамоии эътирозӣ баргузор шуда, ки теъдоди онҳо 300 нафар гуфта мешавад. Онҳо назди Вазорати умури хориҷии Фаронса ҷамъ омадаанд. Дар Италия фаластиниҳои муҳоҷир дар кӯчаҳои Рим гирдиҳамоӣ кардаанд. Теъдоди эътирозгарони шаҳри Осло 3000 гуфта мешавад, ки назди бинои парлумон дастгирии худро аз мардуми Фаластин баён доштаанд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |