18 июл 2014 10:46Оcиёи Марказӣ / Тоҷикистон
Алмосбек Отамбоев меояд... баъд аз баҳсҳо ва тирпарониҳо
Ӯ гуфт, Отамбоев дар ҷараёни сафараш бо мақомҳои баландпояи Тоҷикистон мулоқот карда, масъалаи роҳҳои наздимарзӣ ва қитъаҳои баҳснок миёни Исфараю Бодкандро ба баррасӣ хоҳад гирифт. Вале вазири нақлиёт аз баёни санаи дақиқи сафари Отамбоев худдорӣ кард ва танҳо гуфт, чизи наве, ки дар заминаи баҳсҳои марзии Тоҷикистону Қирғизистон медонад, ҳамин аст.
Ин сафари Отамбоев дар пайи тирпаронии 10 июл дар марзи Тоҷикистону Қирғизистон сурат мегирад, ки бар асари он як сокини Ворухи Исфара ҳалок ва нуҳ тани дигар аз ҳамин ҷамоат маҷруҳ шуданд. Вазорати умури хориҷии Тоҷикистон бо ирсоли ёддошти расмӣ ё нота норозигияшро аз амалкарди ҳарбиёни қирғиз бо сокинони осоишта, ки ба гуфтаи онҳо, машғули таъмири қубурҳои обгузар будаанд, изҳор дошта ва таҳқиқи онро талаб намуд. Ҷониби Бишкек дар ҳол бо пахши изҳороте ин ёддошти Душанбе шитобкорӣ хонда, иддао кард, ки баръакс, сарбозони Тоҷикистон ба ҳарбиёни онҳо ҳамла кардаанд.
Аз ин пештар, дар моҳи январи соли ҷорӣ тирпаронӣ миёни марзбонҳои ду кишвар сурат гирфита буд, ки бо бастани гузаргоҳҳову фаро хондани сафари Қирғизистон ба Бишкек анҷом ёфт. Танҳо баъд аз чанд даври музокирот дар Тоҷикистону Қирғизистон, Бишкек гузаргоҳҳоро боз намуда, сафири навашро дар Душанбе таъин кард.
Хайрулло Асозода, вазири нақлиёти Тоҷикистон, дар идомаи суҳбаташ гуфт, дар масъалаи сохтмони роҳҳои баҳсноки марзӣ бо Қирғизистон 51 дарсад ба мувофиқа расидаанд. “Баъзе масъалаҳо дар сатҳи сиёсӣ бояд ҳал шаванд. Дар он сурат, мо паҳлуҳои техникияшро хоҳем дид”,-гуфт Асозода. Вазири нақлиёт афзуд, ҷониби Тоҷикистон ҳам акнун ба сохтмони роҳҳои наздик ба сарҳади Қирғизистон таваҷҷуҳ мекунад. Ин ҳарфҳои вазир дар ҳолест, ки феълан ҷамоати Ворух дар шакли ҷазирақаламрав буда, ҳангоми баҳсҳои Тоҷикистону Қирғизистон роҳи он ба сӯи маркази Исфара баста мешавад.
Дар масъалаи сохтмони роҳи оҳани Тоҷикистон - Афғонистон - Туркманистон, оқои Асозода гуфт, бо Кобул ба иттифоқи назар омада, бо Ашқобод баъзе масъалаҳои ҳалношуда доранд. “Дар сатҳи президентҳои Тоҷикистону Туркманистон ин масъала гуфта шудааст, аммо масъалаҳое миёни Вазорати нақлиёти мо ва корхонаи Роҳи оҳани онҳо мондааст”,-гуфт ӯ. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
