18 июл 2014 14:36Тоҷикистон / Дин ва зиндагӣ

Дуои муфтӣ барои Бӯрӣ ва Бахтиёр, қурбониёни тоҷики садамаи Маскав

Сайидмукаррам Абдулқодирзода, раиси Шӯрои уламои Маркази исломии Тоҷикистон, дар намози ҷумъа аз намозгузорон хост, дар ҳаққи ду муҳоҷири тоҷик, ки дар садамаи метро дар шаҳри Маскав ба ҳалокат расидаанд, дуо кунанд.

Ӯ рӯзи 18 июл дар Масҷиди марказии шаҳри Душанбе гуфт, “дуо кунем, Худованд он ҳамватанони моро, ки дар садамаи метро дар Русия ҷон бохтаанд, мағфират кунаду мавриди раҳматаш қарор диҳад ва ба наздикони онҳо сабри ҷамил хоҳонем.”

Дар пайи ин садамаи маргбор, ки субҳи 15 июл дар хатсайри Арбатско-Покровскои метрои Маскав рух дод, беш аз 20 нафар ҳалок ва зиёда аз 120 нафар маҷруҳ шудаанд. Миёни қурбониён ду муҳоҷири тоҷик низ мебошанд. Ба гуфтаи масъулини сафорати Тоҷикистон дар Маскав, муҳоҷирони тоҷик, ки дар ин садама ба ҳалокат расидаанд, Ҳаитов Бӯрӣ Абдуҷалилович (21.12.1989) ва Мавлонов Бахтиёр Қурбонович (17.10.1989) мебошанд.

Инчунин, ҳоло чаҳор шаҳрванди Тоҷикистон бо ҷароҳатҳои гуногун дар беморхонаҳои Маскав бистарӣ буда, вазъи яке аз онҳо - Муъминшо Муносибшоев (1959) вазнин арзёбӣ мешавад.

Мӯҳр

Хабарҳои монанд:

Nasr

Саидмукаррам Абдукодирзода бо дастури боло ба касон дуо медихад, на аз барои риёю на аз барои Худо.

Ҷавоб диҳед Иқтибос Шикоят

Атеист

онхо ба фикрам халок нашудаанд, агар амали баде дар сар надоштаву аз паи ичрои амали баде нарафта бошанд, онхо шахидан. Хадисе хаст, ки ман ло маоша лах фахува маъода лах, касе маоши халол надошта бошад, пас маъод хам надорад чаноби муфти!, онхо аз паи дарефти лукма барои ахлу оилаи худ вафтиданд, пас ин баробар ба шаходат аст, чаноби Муфти!!!!!!!!!!!!!

Ҷавоб диҳед Иқтибос Шикоят

Эзоҳ илова кунед