“...маро аз саффи Ҳизби наҳзати ислом хориҷ кунед...”
Як гуруҳ аз сокинони шаҳру навоҳии вилояти Суғд аз Ҳизби наҳзати исломии Тоҷикистон хостаанд, онҳоро аз саффи ин ҳизби умдаи мухолиф хориҷ кунад. Илҳомҷон Ёқубов, раиси дафтари ҲНИТ дар Суғд, гуфт, аксари ин муроҷиаткунандагон узви Ҳизби наҳзати исломӣ набуда, аслан бо онҳо ва фаъолияташон низ иртиботе надоранд.
“Ин гуруҳи сокинон ҳатто ҳуҷҷати ҳизбӣ надоранд. Фақат супориши ҷамоатҳоро иҷро мекунанд”,-афзуд Ёқубов. Мусоҳиби мо илова кард, “аз ҳама аҷибаш ин аст, ки худи аризадиҳандаҳо иқрор мешаванд, аъзои ҲНИТ нестанд. Бояд гӯям, ҳамаи ин аризаҳо дар назди раисони ҷамоатҳо навишта шудаанд. Ягон нафари онҳо дар назди раиси бахш ё ташкилоти ибтидоии ҳизб ариза нанавиштаанд”.
Раиси дафтари ҲНИТ дар Суғд ҳатто бо як нафар аз аризадиҳандаҳо, ки сокини ноҳияи Зафаробод мебошад, дар ин бора суҳбати телефонӣ анҷом додааст, ки ба гуфтаи ӯ, бозгӯи сохта будани ин аризаҳо мебошад. Вай мегӯяд, шояд мақомот мехоҳанд, бо ин кори худ нишон диҳанд, ки бисёре аз сокинон саффи ҳизбро тарк мекунанд. “Вале бо вуҷуди фишорҳои охир теъдоди аъзои мо коҳиш наёфта, балки афзудааст”,-мегӯяд ӯ.
Илҳомҷон Ёқубов афзуд, “ҷамоатҳо аз мақомоти болоӣ супориш гирифтаанд, ки ҳар моҳ то панҷ узви ҳизби наҳзатро хориҷ кунанд ва баъдан аризаҳои ин нафарони хориҷшударо пешниҳод намоянду аз супориши иҷрошуда гузориш диҳанд.”
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |