18 рӯзи бомбаборони Фаластин ва талаби Созмони тандурустӣ
Созмони ҷаҳонии тандурустӣ дар рӯзи 18-уми бомбаборони Фаластин аз ҷониби низомиёни Исроил талаб кардааст, ки долонҳои башардӯстона барои интиқоли маҷруҳон аз навори Ғаза ва таъмини лавозимоти тиббӣ ташкил гардад.
Созмони ҷаҳонии тандурустӣ, мақараш дар Женева рӯзи 25-уми июл бо зикри идомаи тирпаронии низомиёни Исроил дар навори Ғаза таъкид намудааст, ки зимни ин амалиёт садҳо мардуми осоишта кушта ва маҷруҳ шудаанд.
18 рӯзи ҳамлаҳои низомии Исроил ба навори Ғазаи Фаластин наздики 800 кушта ва 4 ҳазору 500 маҷруҳ барҷой гузоштааст, ки бисёрашонро мардуми осоишта ба шумули пиронсолон ва занону кудакон ташкил медиҳанд.
Эрон барои ҳимояти мардуми Фаластин аз пайравони дини мубини Ислом дар саросари дунё даъват карда буд, дар Рӯзи ҷаҳонии Қудс, ки ҷумъаи охири моҳи Рамазон таҷлил мешавад, барои пуштибонӣ аз ормонҳои сокинони мазлуми Фаластин иқдом кунанд. Дар пайи даъвати Эрон сокинони наздик ба 80 кишвари дунё рӯзи 25-уми июл бахшида ба Рӯзи ҷаҳонии Қудс ва барои ҳимоят аз фаластиниҳо ба кучаҳо баромада, даст ба роҳпаймоӣ задаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |